Быйыл июнь айны 29-да Бургъустан станседе Хорламчы Георгий шыйыхны клисасында , благочинияны динчиси протоирей Лиманов Гермоген, Нарсана окргуну динчилерине Тобагъа къайтхан адетни этди. Ол Адетни аллы бла ол кесини дин къарнашларына оюмлашдыргъан сезле айтыб, православ дин ахлулагъа джораланннган игумен (Воробьев) Никонну тюшюнюу оюмланы юсюнден джазылгъан письмоларындан окъуду. Тобагъа къайтыу адетни кезюуюнде православ динчиле клисада тилекле этдиле. Артдан округну джуаблы динчиси ауушуб кетген Нарсана клиса округну динчилерине джаназы дуа окъуду. Этилген тилекледе кеб болмай ауушхан матушка Виктория бла Масих Иссаны дини ючюн джан берген къазакъла да сагъынылдыла. Тобагъа къайтхан адетден сора православ динчиле Дин къуллукъ бардырдыла. Дин къуллукъну бошагъандан сора протоирей Знаменский Иоанн дин къарнашлары бла эмда клисагъа келген джамагъатха ауаз берди. Дин къуллукъ бошалгъандан сора благочинияны джыйылуу болуб етдю. Аны ишине епархияны шыйых дараджада бериучю белюмню тамадасы Успен Втор-Афон Бештау эркиши монастырны джуаблы динчиси иеромонах (Казаков) Елевферий да къошулгъан эди. Андан сора джуаблы динчи джыйылгъанланы иш повестка бла шагърей этди. Аны тышында да ол, ОРКСЭ курсла бла Православ культураны модулюн сайлауну эмда «Радость Слова» деген регионлаарасы проект бла «Благославенный Кавказ» деген православ джармалыкъ-кермючден хапар айтды. Пенсионер тиширыу Копосова Екатеринагъа Нарсана благочинияны приходлары болушлукъ этгенинден да айтды.