Быйыл июнь айны 20-да Черкесск шахарны къартла бла инвалидле тургъан интернат-Юйде , интернатны администрациясыны, республиканы Халкъ Джыйылыуу, православ бла муслиман динлени келечилери бла тюбешиулери болуб етдю. Тюбешиуге интернатны директору Кейлина Светлана,Халкъ Джыйылыуну депутаты Червонова Елена, къады Хубиев Иналь-хаджи, Черкесскени Никольский клисасыны клириги иерей Гурин Александр къошулгъан эдиле. Интернатда джашагъанладан 80 адамгъа джуукъ христианы да муслиманы да, бу социал учрежденияда тилек эмда башха дин адетлени бардыра турургъа белме керекди деб, къол ызла джыйгъандыла. Бир белмени православла дин къуллукъларын бардырырча экинчи белмни муслиманла намаз этерча ючюнчю да дин келечиле бла тюбеширча этерге керекди. Дин аралыкъланы келечилери интернатны джамагъаты бла башчылыгъына разылыкъларын билдирдиле. «Биз бюгюн джыйылгъан керти да халал ишди. Бусагъатда муслиманланы оразаларыды эмда христианланы постлары барады. Пост-деген къуру ашдан кесинги тыйыу тюлдю, тилекле бла намаздан сора да ашхы ишлени этийдю. Аллыбызда заманда-тилек этерге белмелени ачыллыгъы да керти ашхы ишлени бириди. Бу ашхы джумушха бары да юлюш къошадыла»,- деб чертди православ динчи. Андан сора бу учрежденияда джамагъат блат юз халда тюбешиб ушакъ этдиле.Аланы хар бири да келген къонакълагъа кеслери тургъан сорууларын белмеде энчи берирге мдарлары бар эди . Ушакъ бир-эки сагъатны баргъан эди. Андан дин къуллукъчула дин джумушлагъа деб берилген белмелеге къараб чыгъыб, уакъ ремонт ишле этилирге кереклисин эмда керекли затланы алыргъа тыйыншлы болгъанын да чертдиле.