Псыхуабэ и Щихъищым я цIэр зезыхьэ члисэм, унафэщI, щоджэн нэхъыжь Фомин Вячеслав я пашэу, Аущ Николай и къарум щыщ Iыхьэхэм лъэIэсыну Москва къалэм КъегъэлакIуэ Христос и цIэр зезыхьэ и члисэм кIуащ.
Епархием и «Кавказский паломник» IуэхущIапIэм зекIуэр къызэригъэпэщащ. Япэу ахэр кIуащ КъегъэлакIуэ Христос и цIэр зезыхьэ члисэм. Абы Италием кърашри къагъэIэпхъуащ Телъыджэ къэзыгъэхъу Николай и къарум щыщ Iыхьэхэр. Езыгъэблэгъахэм я Iуэху зехьэкIэ дахэм фIыщIэ куэд пэкIуащ. ДэIэпыкъуэгъу къахуэхъуа волонтёрхэми фIыщIэ куэд хуащIащ.
Фунзенскэ псы Iуфэм чэзум щыува нэужь, сыхьэтитIрэ ныкъуэкIэ дыпэплъащ. Абы къриубыдэу Тхьэ делъэIуну дыхунэсащ. Аущ Николай и къарум щыщ Iыхьэхэм ди щхьэр хэудгъэщхъа нэужь, Свято-Троицкэ Сергиевэ лаврым дыщыIащ. Абы щекIуэкIа жэщ-махуэ тхьэлъэIум дыхэтащ. ЩIыналъэ лъапIэм кIуа псоми я гуэныхьхэр яIуэтэжащ икIи щэхухэм зыхагъэгъуэзащ.
ТхьэлъэIу нэужьым гупыр зыплъыхьакIуэ кIуащ, къулъшырыфым и лъапIэныгъэхэм лъэIэсащ. ЩIыналъэ лъапIэм Тхьэ елъэIуну кIуахэм Сретенскэ къулъшырыфым и лъапIэныгъэхэм я щхьэр хуагъэщхъащ, Задонскэ къулъшырыфым щыIащ. Абдеж Задонский Тихон и къарум щыщ Iыхьэхэм деж Тхьэ щелъэIуащ.
ЩIыналъэ лъапIэм Тхьэ елъэIуну кIуахэм Псыхуабэ къагъэзэжащ. «Кавказский паломник» IуэхущIапIэм иджыри Москва Аущ Николай и къарум щыщ Iыхьэхэм деж кIуэну зи гупыж гуп къызэрегъэпэщ. Ди сайтым и «Епархия» Iыхьэм къыщывгъуэтынущ щIыналъэ лъапIэм тхьэ елъэIунухэм я зекIуэр къызэзыгъэпэщ IуэхущIапIэм и телефонхэр.