НэщIым и пэ къихуэу тхьэмахуэ школым и гъэсэнхэм тхьэлъэIу ящIащ

2023 гъэм мазаем и 26-м, Черкесск къалэм и Никольскэ члисэ зэхуэхьэсам и 
тхьэмахуэ школым и гъэсэнхэр Кавказым и Минводы къалэхэм и щIыналъэ лъапIэхэм 
щыIащ. 
Япэу здэкIуар Георгиевскэ цIыхубз къулъшырыфырщ. Тхьэм и Анэм и Федоровскэ 
тхьэнапэм и пэ къихуэу тхьэлъэIу ирагъэкIуэкIащ. Игумение Варварэ къыбгъэдэкIыу 
къулъшырыфым и тхыдэм теухуа тхылъхэр ягуэшащ. 
ИужькIэ гупыр Кисловодск къалэм кIуащ икIи Никольскэ члисэ зэхуэхьэсам 
щыIащ. ФIэщхъуныгъэ зиIэхэм шэджэгъуашхэ ирагъэщIащ. Члисэ зэхуэхьэсам 
защригъэплъыхьащ - къардэн Богомолов Сергей, «Святыни земли родной» члисэ-тхыдэ 
музейм - Бедикян Иринэ. Члисэ зэхуэхьэсм и унафэщI щоджэн нэхъыжь Знаменский 
Иоанн тхьэлъэIум хэтахэм яритащ Никольскэ члисэ зэхуэхьэсар зытет махуэгъэпсхэр. 
Кисловодск къалэм и Пантелеимоновскэ члисэм зыплъыхьакIуэр щIыналъэ лъапIэм 
Тхьэ елъэIуну къэкIуахэм ядригъэкIуэкIащ щоджэн нэхъыжь Лагутин Андрей. Черкесск 
къикIахэм зыплъыхьакIуэ къызэзыгъэпэщахэм фэеплъу иратащ Баталпашинскэ 
къеджэныгъэхэм теухуа тхылъхэр. Черкесск къикIахэр схииеромонах Стефан (Игнатенкэ) 
и кхъащхьэм деж Тхьэ щелъэIуащ. ФIэщхъуныгъэ зиIэхэм я гъусащ Черкесск и Никольскэ 
члисэ зэхуэхьэсам и щоджэн Гурин Александр.