Псыхуабэ щызэхэтынущ «Духовная музыка в современном мире» V щIэныгъэ-практикэ конференцэр

2022 гъэм дыгъэгъазэм и 15-м Псыхуабэ къалэм и Спасскэ кафедральнэ 
члисэ зэхуэхьэсам щызэхэтынущ КИФЩI-м и регентхэмрэ члисэ хорхэм я 
уэрэджыIакIуэхэмрэ я «Духовная музыка в современном мире» V щIэныгъэ-
практикэ конференцэр. 
2016 гъэм щыщIэдзауэ зэхуэсыр Псыхуабэ епархием щэнхабзэмкIэ и 
къудамэм Ставрополь Сафоновым и цIэр зезыхьэ и музыкэ колледжымрэ 
Саврополь крайм оперетэмкIэ и Театрымрэ я гъусэу ирагъэкIуэкI Псыхуабэ, 
Черкесск щIыналъэхэм я архиепископ Феофилакт и арэзыныгъэкIэ.
Илъэс зэмылIэужьыгъуэхэм конференцэр ирагъэкIуэкIащ икIи абы 
хэтащ Москварэ Урысей псомрэ я Патриархым и Члисэ-жылагъуэ советым 
члисэ уэрэдхэм зегъэужьынымкIэ и унафэщI щоджэн нэхъыжь Агейкин 
Александр, «Со-действе» Чристэн гуманитарнэ институтым и регент, 
уэрэджыIакIуэ факультетхэм я декан Кустовский Евгений, щэнхабзэмкIэ 
проректор, Санкт-Петербург и духовнэ академием и регент къудамэм и 
унафэщIым и къуэдзэ Гундяевэ Еленэ. 
2022 гъэм конференцэм ирагъэблэгъащ Москварэ Урысей псомрэ я 
Патриархым и урыс члисэ уэрэдхэм зегъэужьынымкIэ и Члисэ жылагъуэ 
советым и унафэщI, Тверскрэ Кашинскрэ я митрополит Амвросий, Синод 
хорым и художественнэ унафэщI икIи и дирижер нэхъыщхьэ Пузаков 
Алексей. 
Псыхуабэ и щIэныгъэ-практикэ конференцэм щытопсэлъыхь члисэ 
уэрэдхэр гъэзэщIэным, Кавказ Ищхъэрэм и хор щэнхабзэм зегъэужьыным 
теухуауэ щыIэ Iуэху зэIумыбзхэм. Абы ирагъэблэгъащ щоджэнхэр, 
регентхэр, члисэ хорхэм я уэрджыIакIуэхэр, КИФЩI-м и музыкантхэр. 
Зэхыхьэр зэхуищIыжынущ члисэ хорхэм я «Пою богу моему» 
фестивалымрэ духовнэ музыкэмкIэ «Свет Христов» Патриаршэ дунейпсо 
фестивалымрэ я кIэух концерткIэ. ЕтIуанэ къудамэм зыкъыщигъэлъэгъуэнущ 
Сафоновым и цIэр зезыхьэ Кавказ-Ищхъэрэ къэрал филармонием и хорым.