Псыхуабэ епархием и Епархие зэхуэсыр траухуащ

 2022 гъэм щэкIуэгъуэм и 16-м, Псыхуабэ, Черкесск щIыналъэхэм я архиепископ 
Феофилакт иригъэкIуэкIащ Псыхуабэ епархием и Епархие советым и зэIущIэ. Абы хэтащ 
члисэ округхэм я благочиннэхэр, епархие къудамэхэм я унафэщIхэр. Зэхыхьэм хэтхэр 
хэплъащ Iуэхугъуэ 12-м, социальнэ къулыкъу щIэным гулъытэ нэхъыбэ хуащIу.
Псыхуабэ, Чересск щIыналъэхэм я архиепископ Феофилакт советым хэтхэр 
хигъэгъуэзащ Москварэ Урысей псомрэ я Патриарх Кирилл и резолюцэм 2021 гъэм 
Псыхуабэ епархием зэфIигъэкIахэм теухуа отчетым хыхьэу. 2022 гъэм щэкIуэгъуэм и 13-м 
Владикавказ зэрыщыIам, КИФЩI-м и Iэтащхьэхэмрэ епархием и секретархэмрэ Урысейм 
и Президентым и полномочнэ лIыкIуэ Чайкэ Юрий зэрыIущIам кърикIуахэм 
къытеувыIащ.
Советым хэтхэр тепсэлъыхьащ епархием и екIуэлIапIэхэр гуманитарнэ 
дэIэпыкъуныгъэхэм зэрыхэтым арэзы техъуащ икIи щоджэнхэмрэ екIуэлIапIэм кIуэхэмрэ 
фIыщIэ хуащIащ члисэпсо зэхыхьэхэм зэрыхэтым папщIэ. Щоджэнхэмрэ екIуэлIапIэм 
кIуэхэмрэ зэрыжыджэрым къыхэкIыу Псыхуабэ епархием и члисэпсо зэхуэсхэм сом 
мелуаних къыхэкIащ. 
ЗэIущIэм зыубгъуауэ щытепсэлыъхьащ иппотерапиемкIэ «Целебный Ессентуки» 
центрым зэрызиужьым. Абы иджыпсту сабий ныкъуэдыкъуэу 175-м я узыншагъэр 
щрагъэфIакIуэ, 15-р Донбасс къикIауэ. Центрым зэпеуэхэр къыщызэрагъэпэщащ мазэ 
кIуам, егъэджэныгъэ семинархэр, фестивалхэр хыхьэу. Абы и манежым щхьэ тралъхьэну 
яубзыхуащ, гъэм и сыт хуэдэ зэманми узыншагъэр щрагъэфIэкIуэфын хуэдэу. Епархием и 
советыр арэзы техъуащ иппотерапиемкIэ центрым и лэжьакIуэхэм епархием и бюджетым 
къыхэкIыу улахуэ иратыным пащэну.
Апхуэдэу зэхыхьэм хэтхэм къалъытащ Псыхуабэ епархием и хорхэр духовнэ 
музыкэмкIэ «Свет Христов» II Патриаршэ дунейпсо фестивалым зэрыхэтар. Псыхуабэ 
епархием и Лазаревскэ члисэр илъэси 120-рэ зэрырикъум и щIыхькIэ махуэшхуэ 
къызэрызэрагъэпэщам папщIэ фIыщIэ хуащIащ. «Фотолетопись Благословенного 
Кавказа» сурэт галереем арэзы техъуащ икIи Епархием и Зэхуэсыр яубзыхуащ. 
Ар Псыхуабэ дыгъэгъазэм и 20-м ирагъэкIуэкIынущ. 

 

Просмотров: 1556

Поделиться

VK:39834