Невский Александр и фэеплъыр тхьэлъэIукIэ ягу къыщагъэкIыжащ Кисловодск

ФIэщхъуныгъэ зиIэ щихъ Невский Александр и фэеплъ махуэм, 2021 гъэм фокIадэм и 12-м, Кисловодск къалэм и Никольскэ члисэ зэхуэхьэсам и Александро-Невскэ члисэм махуэшхуэ тхьэлъэIу литургиер щрагъэкIуэкIащ.

Зэгъусэ тхьэлъэIум хыхьэу литургие нэужьым Чристэн гимназием и гъэсэнхэм херугвимыр яхьащ, литургием Тхьэ щелъэIуащ тыхь щIапIэм, клиросымкIэ уэрэд жаIащ. Гимназием и ещанэ классым щIэсхэр Тхьэ щелъэIуащ Невский Александр и цIэр зезыхьэ члисэм, «Вилла Арнест» санаторэм и Iэгъуэблагъуэм. ЕджакIуэхэр литургием Тхьэ щелъэIуащ, Христос и щэхухэм зыхагъэгъуэзащ, иужькIэ зэгъусэ тхьэлъэIукIэ члисэм ихъуреягъкIэ кIуащ.

Махуэшхуэм я лэжьыгъэр ирагъэжьащ Тхьэм папщIэ бэлыхь куэд зрагъэшэча Гливенкэ Димитрий и цIэр зезыхьэ тхьэмахуэ школым. Илъэс 20-м щIигъуауэ ныбжьыщIэхэр тхьэмахуэ школым тхьэлъэIум щызэхуос, члисэ зэхуэхьэсам и унафэщI щоджэн нэхъыжь Знаменскйи Иоанн иригъэкIуэкIым. УнафэщIым и дэтхэнэ зы еджакIуэми Невский Александр и теплъэр тыгъэ хуищIащ икIи цIыкIухэр къыхуриджащ Тхьэр фIыуэ ялъагъуну, щIэныгъэ зыIэрагъэхьэну.

Школым и гъэсэнхэр «Святыни земли родной» члисэ-тхыдэ музейм кIуащ. Невский Александр и илъэс 800-м ирихьэлIэу тхьэмахуэ школым и япэ дерсыр траухуащ джыназ иным. Тхьэмахуэ школым и унафэщIым и къуэдзэ Синявская Татьянэ сабийхэр иригъэплъащ презентацэм икIи Невский Александр и гъащIэм къытеувыIащ. ИужькIэ НыбжьыщIэхэм жэуап иратащ викторинэм и упщIэхэм икIи Невский Александр и гъащIэм теухуа выставкэм зыщаплъыхьащ.

Махуэшхуэ нэужьым гъэсэнхэм IэфIыкIэхэр иратащ икIи сурэтхэр зытрагъэхащ.

Просмотров: 500

Поделиться

VK:39834