Псыхуабэ къыщызэIуахащ Невский Александр теухуа выставкэ

2021 гъэм накъыгъэм и 14-м Псыхуабэ и лъахэхутэ музейм Псыхуабэ, Черкесск щIыналъэхэм я архиепископ Феофилакт хэтащ «Образ, храмы, памятники и святыни Александра Невского на Благословенном Кавказе» фэеплъ-хэкупсэ выставкэр къыщызэIуахым, къэрал лэжьакIуэ, фIэщхъуныгъэ зиIэ джыназ, дзэзешэ Невский Александр къызэралъхурэ илъэс 800 зэрырикъум и щIыхькIэ. Зэхыхьэм щызэхуэсащ Псыхуабэ и щоджэнхэр, къэзакъхэр, Чристэн Свято-Никольскэ классическэ гимназием и гъэсэнхэр, къалэдэсхэр.

Гъэлъэгъуэныгъэм утыку къыщрахьащ блоки 6, лъэпкъ лIыхъужь, дзэзешэм и щIыхь кавалер, члисэ, члисэ цIыкIуий Псыхуабэ епархием щихъ Невский Александр и щIыхькIэ щаухуахэр. КъызэгъэпэщакIуэхэм увыпIэ щхьэхуэ хуащIащ псыхуабэдэс, тхакIуэ Клепинин Николай и Iэдакъэ къыщIэкIа «Святой благоверный великий князь Алесандр Невский» лэжьыгъэм. Тхылъыр япэу 1927 гъэм къыдэкIащ иужькIи куэдрэ

къыдагъэкIыжащ. Лъахэхутэ музейм и выставкэр зы мазэкIэ зэхэтынущ, мэкъуауэгъуэм ику пщIондэ.

Просмотров: 3105

Поделиться

VK:39834