Кисловодск Тхьэ щелъэIуащ щихъ Алексий папщIэ

2021 гъэм гъатхэпэм и 30-м Кисловодскэ округым и благочиннэ щоджэн нэхъыжь Знаменский Иоанн махуэшхуэ тхьэлъэIу щригъэкIуэкIащ Кисловодск къалэм щихъ Алексий и цIэр зезыхьэ и члисэ цIыкIум.

ТхьэлъэIум уэрэд щыжаIащ Чристэн Свято-Никольскэ классическэ гимназием и класс нэхъыжьхэм щIэсхэм. ТхьэлъэIум хэтащ Кисловодск къалэ администрацэм и лIыкIуэхэр, члисэ цIыкIум и ухуакIуэхэр, къалэ-зыгъэпсэхупIэм щыпсэухэмрэ абы и хьэщIэхэмрэ.

Благочиннэм Псыхуабэ, Черкесск щIыналъэхэм я архиепископ Феофилакт и псалъэхэр лъигъэIэсащ икIи тхьэлъэIум хэтхэр къыхуриджащ щихъ Алексий хуэдэу,

Тхьэм и цIыхуу щытыну. Апхуэдэу Иоанн ухуакIуэхэмрэ къалэм и Iэтащхьэ Курбатов Александррэ фIыщIэ яхуищIащ тхыдэ члисэ цIыкIум и ухуэныгъэм папщIэ икIи ягу къигъэкIыжащ члисэр гъэнэхуныр щихънагъ Феофилакт 2020 гъэм фокIадэм и 1-м зэрырагъэхьэлIар. ТхьэлъэIум хэтхэм я щхьэр хуагъэщхъащ щихъ Алексий и тхьэнапэм икIи зэгъусэу сурэт зытрагъэхащ.

 

***

Кисловодск и ухуакIуэхэм ящыщ зы Ребров Алексей 1848 гъэм члисэ цIыкIум и ухуэныгъэр иригъэжьащ, зэкъуэш-архитекторхэу Бернардацци я проектымкIэ. 1848 гъэм и бжьыхьэм члисэ цIыкIур игъэнэхуащ Никольскэ члисэм и унафэщI Носичевский Стефан Алексий и цIэкIэ, Тхьэм и цIыху щихъ Ребров Алексей и нэIэм щIэту. 2019 гъэм члисэ цIыкIу Ребров А. Ф. и цIэр зезыхьэ сквер Нарзаннэ галереем пэмыжыжьэр зэфIагъэувэжащ.

Просмотров: 510

Поделиться

VK:39834