Псыхуабэ епархием и илъэсипщIыр тхьэлъэIукIэ ягъэлъэпIащ

2021 гъэм гъатхэпэм и 22-м, Севастийск Тхьэм папщIэ бэлыхь куэд зрагъэшэча и цIыху 40-м я махуэм, Псыхуабэ епархиер зэрызэфIагъэувэжрэ илъэси 10 зэрырикъум и щIыхькIэ тхьэлъэIу ирагъэкIуэкIащ. Литургиер ирагъэкIуэкIащ Ставропольскрэ Невинномыскрэ я митрополит Кирилл, Псыхуабэ, Черкесск щIыналъэхэм я архиепископ Феофилакт, Георгиевскрэ Прасковейскрэ я епископ Гедеон. Пастыр нэхъыщхьэхэм я гъусэу къулыкъу ящIащ Псыхуабэ епархием и щоджэнхэмрэ и хьэщIэхэмрэ.

Махуэшхуэм щызэхуэсащ Тэрч къэзакъыдзэм и къэзакъхэм я пашэу атаман Кузнецов Виталий, Къэбэрдей-Балъкъэрым, Къэрэшей-Шэрджэсым, Ставропольем щыщу щIыналъэ лъапIэм Тхьэ елъэIуну, КИФЩI-м и къалащхьэм щыпсэухэмрэ и хьэщIэхэмрэ.

Литургие нэужьым архиепископ Феофилакт, епархием и щоджэнхэмрэ мамыр цIыхухэмрэ Ставрополь митрополием и архиерейхэм ехъуэхъуащ. Апхуэдэу зэхыхьэм къыщеджащ Урысейм и Президентым и полномочнэ лIыкIуэу КИФЩI-м

щыIэ Чайкэ Юрий и хъуэхъум. ЗэIущIэ нэужьым пастыр нэхъыщхьэхэмрэ щоджэнхэмрэ зэгъусэу сурэт зытрагъэхащ.

Просмотров: 1330

Поделиться

VK:39834