Псыхуабэ епархием Iэ щIидзащ паркым зэрыдэлэжьэнум теухуа «Урысей – си тхыдэ» зэгурыIуэныгъэм

2020 гъэм дыгъэгъазэм и 24-м Псыхуабэ, Черкесск щIыналъэхэм я архиепископ Феофилактрэ Ставрополь крайм и «Урысей – си тхыдэ» мультимедие гъэлъэгъуэныгъэ комплексым и унафэщI Головин Георгийрэ Iэ щIадзащ Псыхуабэ епархиемрэ музеймрэ зэрызэдэлэжьэнум. ВидеозэпыщIэныгъэмрэ гуфIэгъуэ зэхыхьэмрэ хэтащ Патриаршэ советым щэнхабзэмкIэ и унафэщI, Псковскрэ Порховскрэ я митрополит Тихон. Iэ зыщIадза тхылъым къыхэкIыу зэдэлэжьэнущ егъэджэныгъэ, щIэныгъэ, узэщIыныгъэ, духовнэ-тхыгъэ гъэсэныгъэхэмкIэ. Зэхыхьэм хэтащ Псыхуабэ и члисэхэм я щоджэнхэр.

 

***

«Урысей – си тхыдэ» гъэлъэгъуэныгъэр – мультимедие экспозицэхэм я IуэхущIапIэщ, Патриаршэ советым щэнхабзэмкIэ и къудамэм Урысейм и Правительствэр и дэIэпыкъуэгъуу къызэригъэпэщар.

Проектым къалэ 23-рэ хыхьащ. Ставрополь крайр Урысейм и япэ щIыналъэ хъуащ, «Урысей – си тхыдэ» проектыр щылажьэм щыщу. Ар Ставропольрэ Псыхуабэрэщ.

Псыхуабэ и комплексыр къэралым и Ипщэ щIыналъэм щыIэ псом нэхърэ нэхъ инщ – метр зэбгъузэнатIэ 11 мэхъу. Федеральнэ контентыр паркым экспозиплIкIэ къагъэлъэгъуащ, ди къэралым и тхыдэ илъэс мин ипэкIэ къэхъуам ухигъэгъуазэу, иджырей Iэмалхэр къигъэсэбэпурэ. Ахэр «Рюриковичи», «Романовы», «От великих потрясений к Великой Победе. 1914-1945», «Россия – моя история. 1945 по настоящее время» гъэлъэгъуэныгъэхэрщ.

Тхыдэ комплексым папщIэ Псыхуабэ къыщызэрагъэпэщащ Кавказ Ищхъэрэмрэ Ставропольемрэ я тхыдэм теухуа тхылъитху: «Культура и быт народов Северного Кавказа», «Казачество на Северном Кавказе», «Благотворительная деятельность на Ставрополье», «Выдающиеся деятели науки искусства Ставрополья», «Литературные герои на Северном Кавказе».

Просмотров: 2290

Поделиться

VK:39834