Черкесск волонтерхэм ныкъуэдыкъуэхэм я шэнтжьей тыгъэ хуащIащ Лермонтовым и гъащIэм хэзыгъэгъуазэм

Къэрэшей-Шэрджэсым и къалащхьэм и сымаджэщым мазэ псокIэ операцэ нэужьым и узыншагъэр щызэтрагъэувэжащ лермонтовед, Урысейм и ТхакIуэхэм я зэгухьэныгъэм щиIэ Лермонтовым и зэгухьэныгъэм и унафэщI, тхылъ 12 къыдэзыгъэкIа, статья 400 зи Iэдакъэ къыщIэкIа Захаров Владимир. Къэрэшей-Шэрджэсым Владимир къэкIуащ, Лермонтовым и цIэр зезыхьэ музей Карачаевск къалэм къщызэIуихын папщIэ.

Черкесск и Никольскэ члисэ зэхуэхьэсам и волонтерхэм сымаджэщым щыдэIэпыкъуащ тхыдэдж, тхакIуэ икIи журналист Захаровым. Члисэ зэхуэхьэсам и щоджэн Гурин Александр сымаджэм и деж зыбжанэрэ щIэупщIакIуэ щыIащ. 2020 гъэм щэкIуэгъуэм и 24-м Владимир тыгъэ хуащIащ ныкъуэдыкъуэхэм я шэнтжьей, щIэныгъэлIым и узыншагъэр зэрызэтеувэжым къыхэкIыу.

Просмотров: 1029

Поделиться

VK:39834