Кисловодск и чристэн гимназием онлайн конференцэ щрагъэкIуэкIащ

2020 гъэм щэкIуэгъуэм и 1-м Кисловодск и Чристэн Свято-Никольскэ классичсекэ гимназием щекIуэкIащ «Урысейм и къарур ди зэкъуэтыныгъэрщ» конференцэр.

Зэхуэсыр урыс къэзакъхэм экстремизмымрэ терроризмымрэ пэщIэтыным теухуа я къэрал политикэр гъэзэщIэным щыщ Iыхьэ хъуащ. Эпидемие щытыкIэ гугъум и зэранкIэ конференцэр зэпэIэщIэу ирагъэкIуэкIащ.

Зэхыхьэм хэтхэм фIэхъускIэ захуигъэзащ гимназием и унафэщI щоджэн нэхъыжь Знаменский Иоанн. Кисловодск къалэм щэнхабзэмкIэ и комитетым и унафэщI Сквиренкэ Иннэ зэIущIэм хэтхэм ехъуэхуъащ Тхьэр къадэIэпыкъуну, Чристэн гимназием и еджакIуэхэм я дежкIэ конференцэм мыхьэнэ зэриIэри къыхигъэщащ. Конференцэм хэтхэм фIэхъус ярихащ Псыхуабэ епархием Члисэмрэ жылагъуэмрэ я зэхущытыкIэхэмкIэ и унафэщI щоджэн нэхъыжь Нартов Александр.

Члисэмрэ къэзакъхэмрэ я зэхущытыкIэхэм тепсэлъыхьащ къэзакъхэм ядэлэжьэнымкIэ къудамэм и унафэщI Фещенкэ Стефан. Епархием щихъхэр канон щIынымкIэ и унафэщI иеромонах Елевферий (Казаков) ягу къигъэкIыжащ Урыс Члисэм Тхьэм папщIэ бэлыхь зрагъэшэча и щихъхэр зыщамыгъэгъупщэным и мыхьэнэм.

Гимназием и егъэджакIуэ иеродиакон Иоанн (Галумов) Тэрч къэзакъыдзэм и унафэщI апостол Варфоломей теухуа доклад къеджащ. Гимназием и унафэщIым и къуэдзэ Синявская Татьянэ «О роли женщины в казачьей семье в процессе формирования духовных ценностей и патриотизма у будущих защитников Отечества» докладыр ищIащ.

Апхуэдэу конференцэм къыщыпсэлъащ гимназием и класс нэхъыжьхэм щеджэхэр. Тэрч къэзакъхэр революцэм и зэманым зыхэта я лъэпкъ гъэкIуэдым теухуа доклад ищIащ 9 классым щеджэ Рочевэ Елизаветэ. ЕпщIанэ классым щIэс Волобуев Даниил къытеувыIащ Троицкэ-Сергиесвкэ Лаврым и архимандрит Дионисий (Зобниновскэ).

Конференцэм кърикIуахэр зэхиъхьэжащ щоджэн нэхъыжь Знаменский Иоанн. УнафэщIым зэхыхьэм хэтахэм фIыщIэ яхуищIащ докладхэм папщIэ.

Просмотров: 829

Поделиться

VK:39834