Бештаурскэ къулъшырыфым щыIэм доклад ищIащ Феофановскэ къеджэныгъэхэм хыхьэу

2020 гъэм жэпуэгъуэм и 22-м Урыс Чристэн Члисэм и Издательскэ советым щекIуэкIащ Феофановскэ къеджэныгъэхэр, щихъ Затворник Феофан и IэдакъэщIэкIхэр джыным теухуауэ. Къеджэныгъэхэр къызэIуихащ Урыс Чристэн Члисэм и Издательскэ советым и унафэщI, Калужскрэ Боровскрэ я митрополит Климент.

Зэхуэсым и къэхъугъэ нэхъыщхьэ хъуащ «Летописи жизни и творений святителя Феофана, Затворника Вышенского». Къеджэныгъэхэм я лэжьыгъэм хэтащ Скопинскрэ Шацкрэ я епископ Питирим, Балашихинск и епископ Николай, Урыс Чристэн Члисэм и Духовнэ егъэджэныгъэ IуэхущIапIэхэм я егъэджакIуэхэмрэ студентхэмрэ.

Псыхуабэ, Черкесск епархием и лIыкIуэхэт Успенскэ Второафонскэ цIыхухъу къулъшырыым и щоджэн Иван (Галумов). Иоанн и докладм щытепсэлъыхьащ чристэн гимназием и фIэщхъуныгъэ дерсхэм. Дэтхэнэ зы докладми щIыгъут зэпсэлъэныгъэ. Къеджэныгъэхэм я кIэухым митрополит Климент зэхуэсым хэтхэм фIыщIэ яхуищIащ икIи гугъэ ищIащ Вышенский Затворник и лэжьыгъэхэр джыным ехьэлIа Iуэхум адэкIи пащэну.

Просмотров: 928

Поделиться

VK:39834