Псыхуабэ епархием и лэжьыгъэхэм щIыналъэ зэпеуэм япэ увыпIэхэр къыщахьащ

Гъэ къэс егъэджэныгъэмкIэ, илъэс 20 иримыкъуа сабийхэмрэ щIалэгъуалэмрэ я гъэсэныгъэм теухуауэ ядэлэжьэнымкIэ ирагъэкIуэкI XV Урысейпсо зэпеуэм и 1 щIыналъэ Iыхьэм и къэпщытакIуэ гупым зэхалъхьэжащ «За нравственный подвиг учителя» зэхьэзэхуэм кърикIуахэр.

Ставрополь крайм и егъэджэныгъэ IуэхущIапIэхэм зэпеуэм ягъэхьыну лэжьыгъэ 48-рэ ягъэхьэзыращ, псэкупсэ, граждан-патриот темэхэм ехьэлIауэ. КъэпщытакIуэ комиссэм и лэжьыгъэм иужькIэ зэпеуэм ягъэхьащ икIи къалъытащ творческэ лэжьыгъэ 40, крайм щыщхэм ейуэ.

КъэпщытакIуэ гупым хэтхэм я унафэкIэ, егъэджэныгъэ Iэзагъэ ин зэракъуэлъым, духовнэ къулыкъу зэращIэм, я IэщIагъэм зэрыхуэпэжым папщIэ дипломрэ ахъшэ саугъэткIэ Ставрополь крайм ЕгъэджэныгъэмкIэ и Министерствэмрэ Ставрополь митрополиемрэ къыхигъэщащ:

«Лучшая программа духовно-нравственного и гражданско-патриотического воспитания детей и молодёжи» унэтIыныгъэм:

1 увыпIэр – Кербс Аннэ Михаил ипхъум, Лермонтов къалэм и МБОУ школ №4-м и пэщIэдзэ классым и егъэджакIуэм хуагъэфэщащ. Зи псантхуэм и зыужьыныгъэр къыкIэрыхухэм я псэкупсэ, граждан-патриот гъэсэныгъэм ехьэлIа «Стать человеком» программэр (Псыхуабэ, Черкесск епархие).

«Лучший образовательный издательский проект года» унэтIыныгъэм:

1 увыпIэр – Автор гупым: Примак Наталье Сергей ипхъум – егъэджакIуэ, Панасюк Ольгэ Александр ипхъум – егъэджакIуэ, Герасименкэ Иннэ Виктор ипхъум – Псыхуабэ къалэм спортым тегъэщIапIэ щыхуащI МБОУ школ №31-м и библиотекэм и лэжьакIуэ. Сборник методических разработок «Чти прошлое, твори настоящее» (Псыхуабэ, Черкесск епархие).

Ставрополь крайм егъэджэныгъэмкIэ и министерствэмрэ Ставрополь митрополиемрэ зэхыхьэм хэта 15-м я цIэ ираIуащ.

Зэпеуэм щытекIухэр ягъэлъэпIэнущ 2020 гъэм и фокIадэм. Псыхуабэ епархием и лауреатхэм дохъуэхъу!

Просмотров: 801

Поделиться

VK:39834