Кисловодск и чристэн гимназием фэеплъ пшыхь щекIуэкIащ

2020 гъэм гъатхэпэм и 11-м Кисловодск и Чристэн Свято-Никольскэ классическэ гимназием щекIуэкIащ «От великих потрясений к Великой Победе» пшыхьыр. Ар ягъэхьэзыращ къардэн нэхъыжь Иоанн (Галумов) и гъусэу. Пшыхьым кърихьэлIащ гимназием адрей и гъэсэнхэмрэ егъэджакIуэхэмрэ. Гимназием и гъэсэнхэр ирагъэдэIуащ Члисэр Хэку зауэшхуэм зэрыхэтам теухуахэр. ЕджакIуэ Тихомиров Никитэ тепсэлъыхьащ митрополит Сергий (Старогородский), Галинэ Ксение «Крест против свастики» докладыр ищIащ, Гайдамак Варварэ Псковскэ миссием теухуа лэжьыгъэ игъэхьэзыращ. Пшыхьым щыжаIащ «Священная война» уэрэдыр, Игнатенкэ Еленэ зэригъакIуэ хорым хэт щIалэ цIыкIухэм. Класс нэхъыщIэхэм щеджэхэм ягъэзэщIащ «Отмените войну» уэрэдыр. Пшыхьыр и кIэм щынэблагъэм гимназием и унафэщI щоджэн нэхъыжь Знаменский Иоанн гимназием и гъэсэнхэр къыхуриджащ чристэн бэнакIуэ хъуну, гуэныхьхэм текIуэну, псэм и къабзагъэм и телъхьэу щытыну.

Просмотров: 742

Поделиться

VK:39834