Кисловодск ягу къыщагъэкIыжащ иеросхимонах Стефан (Игнатенко)

2020 гъэм мазаем и 13-м Кисловодск къалэм тхьэлъэIукIэ ягу къыщагъэкIыжащ фIэщхъуныгъэ зиIэ иеросхимонах Стефан (Игнатенко), 1973 гъэм илъэс 47-рэ ипэкIэ дунейм ехыжар.

Пщэдджыжьым щIадзэри тхьэлъэIур щрагъэкIуэкIащ Стефан щыщIалъхьа щIыпIэм деж Кисловодск благочинием и щоджэнхэм, Тхьэм и нэфI зыщыхуа Кавказым и екIуэлIапIэхэм щыщхэм, епархием и нэгъуэщI щIыналъэхэм къикIа хьэщIэхэм. Стефан папщIэ тхьэлъэIур иригъэкIуэкIащ Успенксэ Второафонскэ Бештаусркэ цIыхухъу къулъшырыфым и щоджэнхэм. Иеросхимонах Стефан Второафонскэ къулъшырыфым 1908 гъэм щыщIэдзауэ ар зэхуащIыжыху щылэжьащ. Иеросхимонах Стефан и псэр зэгъэн папщIэ Тхьэ елъэIуащ къалэ-зыгъэпсэхупIэм щыпсэухэмрэ абы и хьэщIэхэмрэ.

Сыхьэт 11-м тхьэлъэIур иригъэкIуэкIащ Кисловодскэ округым и благочиннэ щоджэн нэхъыжь Знаменский Иоанн къалэм и члисэхэм я щоджэнхэм я гъусэу. ТхьэлъэIу нэужьым благочиннэм къалэдэсхэм яритащ Псыхуабэ, Черкесск щIыналъэхэм я архиепископ Феофилакт къыбгъэдэкI фIэхъусыр икIи ядэгуэшащ абы и гъащIэмрэ гуащIэмрэ теухуа гукъэкIыжхэмкIэ.

Иеросхимонах Стефан теухуа тхьэлъэIум хэтахэм иратащ форэ тхъурэ зыхэлъ IэфIыкIэр, дэлэнхэр, шей пщтыр, Кисловодск екIуэлIапIэхэм ягъэхьэзырахэм. Стефан и гъащIэр едж епархием щихъхэр канон щIынымкIэ и комиссэм, Тхьэм и нэфI зыщыхуам и фэеплъыр ямыгъэкIуэдыжын папщIэ.

Просмотров: 639

Поделиться

VK:39834