Къулыкъу зэрищIэрэ илъэс хыщI щрикъум ирихьэлIэу щоджэным епархием и дамыгъэ нэхъыщхьэр иратащ

2020 гъэм мазаем и 13-м илъэс 65-рэ ирокъу архимандрит Лев (Ахидов). И юбилейм и пэ къихуэу Леврэ Налшык члисэ округым и благочиннэ щоджэн нэхъыжь Бобылев Валентинрэ тхьэлъэIу литургие щрагъэкIуэкIащ апостол пэлъытэ Магдалинэ Марие и цIэр зезыхьэ члисэ зэхуэхьэсам.

Юбилейм и щIыхькIэ Псыхуабэ, Черкесск щIыналъэхэм я архиепископ Феофилакт архимандрит Лев иритащ «Псыхуабэ епархием зэрыхуэлэжьам папщIэ» медалым и япэ нагъыщэр. Дамыгъэр благочиннэм иритащ. Литургие нэужьым члисэ зэхуэхьэсам тхьэлъэIу щрагъэкIуэкIащ архимандрит Лев и узыншагъэм папщIэ.

***

Архимандрит Лев (Ахидов) 1930 гъэм къалъхуащ. Пресвитор къулыкъур Перм и архиепископ Иван (Лавриненко) 1955 гъэм мазаем и 13-м Перм областым и Кольцовэ къуажэм и Никольскэ члисэм щригъэкIуэкIащ. Лев илъэс 18 хъуауэ Тхьэм папщIэ бэлыхь куэд зрагъэшэча Иоанн и цIэр зрихьэу КъБР-м и Звезднэ къуажэм дэт члисэм и унафэщI къулыкъур щещIэ икIи Псыхуабэ епархием и щоджэн нэхъыжьхэм ящыщщ.

Просмотров: 722

Поделиться

VK:39834