Тхьэм папщIэ бэлыхь куэд зрагъэшэчахэм ятеухуа тхылъыр университетымрэ семинариемрэ я библиотекэхэм иратащ
2020 гъэм мазаем и 5-м Ставрополь и Кавказ-Ищхъэрэ федеральнэ университетым и щIэныгъэ библиотекэм еджапIэмрэ Ставрополь и духовнэ семинариемрэ я студентхэм утыку къыщрахьащ «Святые наших дней» тхылъыр. Iуэхур иригъэкIуэкIащ профессор, тхыдэ щIэныгъэхэм я доктор Колесниковэ Маринэ, СКФУ-м и магистрант, студентхэм я пащхьэм ар щызыгъэлъэгъуа, тхылъым и авторхэм ящыщ зы щоджэн Гурин Александр. Тхыдэджхэм, лъахэхутэхэм, щоджэнхэм я дежкIэ лэжьыгъэм и мыхьэнэм тепсэлъыхьащ профессор, тхыдэ щIэныгъэхэм я доктор Невская Татьянэ. ИужькIэ щоджэныр къытеувыIащ тхылъым икIи къыдэкIыгъуэр яритащ семинариемрэ университетымрэ я библиотекэхэм. Тхылъым и экземплярыр презентацэм хэта псоми тыгъэ хуащIащ.
Просмотров: 2196