Псыхуабэ епархием и къулъшырыфхэм щыIэхэр конференцэм щызэхуэсащ

Псыхуабэ епархием и Свято-Георгиевскэ цIыхубз къулъшырыфым щекIуэкIащ епархием и IX Хъуромэ къеджэныгъэхэм я щIыналъэ Iыхьэм и «Монашеские традиции и защита Отечества» конференцэр. Зэхуэсым зыкърагъэхьэлIащ епархием и къулъшырыфхэм къикIахэмрэ Ставрополь митрополием щыщхэмрэ. Секцэм и лэжьыгъэр ирагъэжьащ тхьэлъэIу литургиекIэ. Ар конференцэм хэтхэм ирагъэкIуэкIащ. ТхьэлъэIур епархием и къулъшырыфым и щоджэн нэхъыжь Лиманов Гермоген иригъэкIуэкIащ.

Псыхуабэ, Черкесск щIыналъэхэм я архиепископ Феофилакт къыбгъэдэкI фIэхъусыр зэхыхьэм хэтхэм ирахащ секцэм и модератор – Второафонскэ Успенскэ Бештаурскэ цIыхухъу къулъшырыфым и иеромонах благочиннэ Елевферий (Казаков).

Свято-Георгиевскэ къулъшырыфым и игумение Варварэ (Шурыгинэ) «Подвиг в жизни монаха: борьба со страстями – война в мирных условиях» докладым къыщыхигъэщащ «Духовная брань-р» мамыр гъащIэм зауэ пэлъытэу зэрыщытыр.

Игумен Григорий (Бочаров), Александро-Афонскэ Зеленчукскэ къулъшырыфым и унафэщIым ищIащ «Отечество Небесное и отечество земное – патриотизм в духовной жизни монашествующих» докладыр. Урыс инокхэм Тхьэм къулыкъу хуэщIэн лIыхъужьыгъэр къэралым зауэ зэманми щащIащ.

Иеромонах Елевферий (Казаков) и докладым и темэр теухуауэ щытащ «Служение Христу в условиях военных действий: роль монашествующих в Великой Победе». Елевферий зыубгъуауэ къытеувыIащ зауэ зэманым иеросхимонах Стефан (Игнатенкэ) зэрихьа лIыхъужьыгъэм.

Къэпсэлъэныгъэ нэужьым докладхэм къытеувыIащ.

Просмотров: 1028

Поделиться

VK:39834