Черкесск щыхахащ Кубань къэзакъыдзэм и Баталпашинскэ къудамэм и атаманыр

Зэхыхьэм и пэ къихуэу къэзакъхэм захуигъэзащ КъШР-м и ЦIыхубэ зэхуэсым и унафэщI Иванов Александр Къэрэшей-Шэрджэсым къэзакъхэм зыщегъэужьыным и IуэхукIэ. ЗэIущIэм къыщыпсэлъащ Кубань къэзакъыдзэм и атаманым и унафэщIым и япэ къуэдзэ къэзакъ полковник Перваков Николайрэ республикэм и къэзакъ зэгухьэныгъэу районхэм щиIэхэм я атаманхэр.

Атаман кандидат подъесаул Шеховцов Игорь къэзакъхэм я пащхьэм щигъэлъэгъуащ зэгухьэныгъэм зэрызиужьыну программэр.

Къэзакъхэм Iэ яIэтащ Игорь папщIэ. АтаманыщIэм нэхъыжьхэм чэнджэщ иратащ икIи тхьэрыIуэ ищIащ.

Просмотров: 475

Поделиться

VK:39834