Псыхуабэ, Черкесск епархием и лIыкIуэхэр щолажьэ социальнэ къулыкъу щIэнымкIэ IX Члисэпсо съездым

2019 гъэм щэкIуэгъуэм и 14-м зэхуащIыжащ социальнэ къулыкъу щIэнымкIэ IX Члисэпсо съездыр. Зэхыхьэр КъегъэлакIуэ Христос и цIэр зезыхьэ члисэм тхьэлъэIу литургиекIэ къыщызэIуихащ Орехово-Зуевскэ и епископ Пантелеимон – члисэ псапэ щIэнымрэ социальнэ къулыкъу щIэнымкIэ Синод къудамэм и унафэщIым.

Пленарнэ зэIущIэм члисэ зэхуэхьэсахэм я пэшым щихънагъ Пантелеимон Москварэ Урысей псомрэ я Патриарх Кирилл къызэгъэпэщакIуэхэм, сьездым и хьэщIэхэм зэразыхуигъазэ псалъэхэм къеджащ. КърихьэлIахэм фIэхъускIэ зыхуагъэзащ Урысейм узыншагъэр хъумэнымкIэ и министерствэмрэ Москва къалэм узыншагъэр хъумэнымкIэ и департаментымрэ я лIыкIуэхэм. Съездым щыпащащ Салют хьэщIэщым. 2019 гъэм зэхуэсым и темэ хъуащ «Организация приходской жизни - как основа развития социального служения».

Псыхуабэ, Черкесск щIыналъэхэм я архиепископ Феофилакт и арэзыныгъэкIэ, съездым хэтщ: «Отрада» сабий екIуэлIапIэм и унафэщI щоджэн нэхъыжь Дмитриенкэ Сергий, Псыхуабэ, ЕссэнтIыгу гуапагъэ зыщIэ и шыпхъухэм я щоджэнхэу Видялин Александррэ щоджэн нэхъыжь Стацюк Алексийрэ, Псыхуабэ гуапагъэ щызыщIэ и шыпхъухэм я нэхъыжь Климовэ Галинэ, Кисловодск члисэ округым и благочиннэм и дэIэпыкъуэгъу щоджэн Чеканов Борис, «Анэхэм папщIэ унэ» кризис центрым и щоджэн Рубец Алексий.

«Създым нэхъ гъэщIэгъуэнщ абы хэтхэм я Iуэху еплъыкIэхэм зыхэбгъэгъуэзэну, щIэ гуэрхэр къыщыпщIэу зыбужьыну. Абы гу щылъыботэ уи лэжьэгъухэр зэрыпсэум. Създым IуэхущIэхэм утрегъэгушхуэ икIи уегъэбыдэ», - жиIащ епархием и «Анэхэм папщIэ унэ» кризис центрым и унафэщI Рубец Ларисэ, Псыхуабэ епархием и лIыкIуэхэм я пашэм.

Съездым и япэ махуэр зэхуащIыжащ ЮФО-мрэ КИФЩI-мрэ щыщу епархием и лIыкIуэхэм синод къудамэм и координаторыр ящIыгъуу зэхуэсри. Зэхыхьэм и етIуанэ махуэр траухуащ гуапагъэ зыщIэ шыпхъухэм я къулыкъум и секцэм и лэжьыгъэм, ныкъуэдыкъуэхэм, бын куэд зиIэ унагъуэхэм ядэIэпыкъуным, социальнэ проектхэр щIыным.

Просмотров: 424

Поделиться

VK:39834