Архиепископ Феофилакт Къэзан щекIуэкIа зэхыхьэхэм хэтащ

2019 гъэм щэкIуэгъуэм и 4-м, Тхьэм и Анэм и Къэзан тхьэнапэм и махуэшхуэм, Псыхуабэ, Черкесск щIыналъэхэм я архиепископ Феофилакт Псыхуабэ еапрхием и щоджэнхэм я гъусэу тхьэлъэIу литургием хэтащ, Къэзан, Тэтэрстан митрополит Феофан Благовещенскэ члисэ зэхуэхьэсам щригъэкIуэкIам.

А махуэм Къэзан-Богородицкэ цIыхухъу къулъшырыф члисэ эхуэхьэсам щыIащ Тхьэм и Анэм и Къэзан тхьэнапэм и Ватикан списокыр, Москварэ Урысей псомрэ я Патриарх Алексий II 2005 гъэм тыгъэ къыхуищIар.

Тэтэрстан митрополием и Iэтащхьэм къулыкъур драгъэкIуэкIащ Альметьевскрэ Бугульминскрэ я щихънагъ Мефодий, Елабужск и епископ Иннокентий, Мелекесскрэ Чердаклинскрэ я щихънагъ Диодор, Чистопольскрэ Нижнекамскрэ я щихънагъ Игнатий, къулъшырыфхэм я лIыкIуэхэр, члисэ округхэм я благочиннэхэр, Тэтэрстан митрополием и члисэм и унафэщIхэр.

Уэрэдхэр игъэзэщIащ Къэзан къалэм и цIыхухъу хор Рогов Денис зэригъакIуэм. Литургием Тхьэ щелъэIуащ монаххэр, епархием и къудамэхэм я лэжьакIуэхэр, Къэзан духовнэ семинарием и студентхэр, къалащхьэм фIэщхъуныгъэ зиIэ и цIыхухэр. ТхьэлъэIур къызэгъэпэщынымкIэ дэIэпыкъуэгъу хъуащ «Казанские православные добровольцы» щIалэгъуалэ зэгухьэныгъэм жыджэру хэтхэр.

Литургие нэужьым пастыр нэхъыщхьэхэмрэ фIэщхъуныгъэ зиIэхэмрэ члисэ зэхуэхьэсам щыщIэдзауэ зэгъусэ тхьэлъэIукIэ кIуащ Тхьэм и Анэм и Къэзан тхьэнапэ ягъэлъапIэм и гъусэу. ТхьэлъэIур Къэзан-Богородицкэ цIыхухъу къулъшырыфым нэс яукъуэдиящ. Тхьэм и Анэм и Къэзан тхьэнапэ члисэ зэхуэхьэса яухуэм и блынхэм деж тхьэлъэIу щрагъэкIуэкIащ. ТхьэлъэIум и пэ къихуэу Тэтэрстан митрополием и Iэтащхьэм фIэщхъуныгъэ зиIэхэм захуигъэзащ узэщIыныгъэкIэ. ТхьэлъэIу нэужьым Къэзан теплъэм деж акафист уэрэдхэр щыжаIащ. Зэгъусэ тхьэлъэIум хэтхэр лъапIэныгъэм деж Тхьэ щелъэIуащ.

Митрополит Феофан архиепископ Феофилакт, Псыхуабэ епархием и щоджэнхэмрэ къызэрыгуэкI цIыхухэмрэ Къэзан члисэ яухуэм зыщригъэплъыхьащ. Щихънагъ Феофан хьэщIэхэр хигъэгъуэзащ БгъуэнщIагъ члисэм, зэгъэпэщыжыныгъэ лэжьыгъэхэр щызэхуащIыжам, абы и музей композицэм.

Просмотров: 648

Поделиться

VK:39834