Архиепископ Феофилакт щоджэн нэхъыжь Знаменский Иоанн и юбилеймкIэ ехъуэхъуащ

2019 гъэм жэпуэгъуэм и 31-м Псыхуабэ епархием и Епархие советым и секретарь щоджэн нэхъыжь Знаменский Иоанн илъэс 60 хъуащ, щэкIуэгъуэм и 1-м Иоанн егъэлъапIэ и къулыкъум зэрыпэрагъэувэрэ илъэс бжыгъэ дахэ зэрырикъур. Псыхуабэ, Черкесск щIыналъэхэм я архиепископ Феофилакт зи юбилейр зыгъэлъапIэм хъуэхъу хуигъэхьащ.

«ПщIэ зыхуэтщI Иоанн! Уи юбилеймрэ уи къулыкъум узэрыпэрытымрэ илъэс бжыгъэ дахэ зэрырикъумкIэ си гум къыбгъэдэкIыу сынохъуэхъу! Ставрополь и духовнэ семинарием узэрыщысцIыхуар гуапэу сигу къызогъэкIыж, дэтхэнэми чэнджэщыфIхэр къызэрыдэптари щIыгъуу».

Иджыри щоджэнхэм уращапхъэу укъонэж, къулыкъур зэрепхьэкIымкIэ, уи лэжьыгъэм жэуаплыныгъэ пылъу узэрыбгъэдэтымкIэ, чристэн гимназием и гъэсэныгъэ Iуэхум узэрыхэтым, гуапагъэ ящIэну уи щапхъэкIэ къызэрыхуебджэм папщIэ».

Уи юбилей махуэхэм ирихьэлIэу зыпхузогъазэ Тхьэм сыт щыгъуи ущыгуфIыкIыну, апостол Павел и псалъэхэм утету: Сыт щыгъуи гуфIэ». «Псыхуабэ епархием узэрыхуэлажьэм папщIэ медалым и III нагъыщэр» уи юбилейм ирихьэлIэу пхуэфащэу къэтлъытащ.

Просмотров: 1335

Поделиться

VK:39834