Гимназием и гъэсэнхэм яхутепсэлъыхьащ щоджэн лIыхъужьхэм

2019 гъэм жэпуэгъуэм и 24-м Черкесск и Свято-Сергиевскэ гимназием щрагъэкIуэкIащ Хэку зауэшхуэм и щоджэн-лIыхъужьхэм ятеухуа дерс зэIухар. ЕгъэджакIуэ Поповэ Иринэрэ щоджэн Гурин Александррэ гимназием и гъэсэнхэм, егъэджакIуэхэм, дерсым и хьэщIэхэм, егъэджэныгъэмкIэ центр №11-м и класс нэхъыжьхэм щеджэхэм яхутепсэлъыхьащ щоджэн нэхъыжь Афонин Василий, Воронин Илья, Козыр Петр, Пономарев Николай, Кубанский Георгий сымэ.

Я гукъэкIыжхэмкIэ къызэхуэсахэм ядэгуэшащ щоджэн нэхъыжь Афонин Василий и пхъурылъху журналист Ковалевэ Руфинэ. Гимназием и гъэсэнхэр къеджащ Василий и усэхэм. Дерсым щIэсахэр ирагъэплъащ щоджэн нэхъыжь Воронин Илья теухуа фильмым.

Дерсым и темэр къыхахащ XXVIII Дунейпсо хъуромэ къеджэныгъэхэм и темэм пэджэжу, Хэку зауэшхуэр илъэс 75-рэ зэрырикъум и щIыхькIэ. Дерсыр епархием и къеджэныгъэхэм щыщ Iыхьэ хъуащ икIи Псыхуабэ епархием щихъхэр канон щIынымкIэ и комиссэр и дэIэпыкъуэгъуу къызэрагъэпэщащ. Комиссэм дерс зэIухахэр илъэс етIуанэ хъуауэ къызэрегъэпэщ Свято-Сергиевскэ гимназием и гъусэу.

Просмотров: 971

Поделиться

VK:39834