Черкесск щагъэлъэпIащ егъэджакIуэхэм я зэпеуэм и республикэ Iыхьэм щытекIуахэр

2019 гъэм фокIадэм и 25-м КъШР-м егъэджэныгъэмрэ щIэныгъэмкIэ и министерствэм щагъэлъэпIащ «За нравственный подвиг учителя» урысейпсо зэпеуэм и щIыналъэ Iыхьэм щытекIуахэр. Зэхыхьэм хэтащ КъШР-м егъэджэныгъэмрэ щIэныгъэмкIэ и министр Кравченкэ Иринэ, щоджэн нэхъыжь Субтельный Евгений, Ипщэ Къэрэшей-Шэрджэс члисэ округым и благочиннэ щоджэн, Псыхуабэ, Черкесск епархием дин щIэныгъэмрэ катехизацэмкIэ и къудамэу КъШР-м щыIэм и унафэщI Якушев Александр. Комиссэм зэпеуэм и япэ Iыхьэм щытекIуахэр къигъэлъэгъуащ:

Япэ увыпIэр иратащ: Черкесск къалэм ЕгъэджэныгъэмкIэ центр №11-м и пэщIэдзэ классхэм я егъэджакIуэ Салащенкэ Татьянэ, Черкесск къалэм ЕгъэджэныгъэмкIэ и центр №11-м и унафэщI Ляшовэ Еленэ. Лэжьыгъэр къыщалъытащ «За организацию духовно-нравственного воспитания в рамках образовательного учреждения» унэтIыныгъэм.

ЕтIуанэ увыпIэр хуагъэфэщащ Зеленчукскэ станицэм и курыт еджапIэ №1-м и пэщIэдзэ классхэм кIуэ Каракотовэ Хьэлимэт, «Я с семьей, она со мной» и лэжьыгъэм папщIэ. Ар «Лучшая программа духовно-нравственного и гражданско-патриотического воспитания детей и молодёжи» унэтIыныгъэм.

Апхуэдэу еIтуанэ хъуащ Кардоникскэ станицэм и курыт еджапIэ №2-м и пэщIэдзэ классхэм я егъэджакIуэ Босовэ Валентинэ, «Дорога к свету» и лэжьыгъэм папщIэ. Ар къыщалъытащ «Лучшая программа духовно-нравственного и гражданско-патриотического воспитания детей и молодёжи» унэтIыныгъэм.

Ещанэ увыпIэр иратащ Фоменко Светланэ, урысыбзэмрэ урыс литературэмкIэ егъэджакIуэм, Исправнэ станицэм щыIэм, «Тогда на тесный путь спасенья к тебе я снова обращусь» и лэжьыгъэм папщIэ. Ар къыщалъытащ «Лучшая методическая разработка по предметам: Основы религиозных культур и светской этики (ОРКСЭ), ОДНКНР» унэтIыныгъэм.

Ещанэ хъуащ Черкесск къалэм и гимназие №19-м и пэщIэдзэ классхэм я егъэджакIуэ Ермоленкэ Ларисэ, «Деятельность Сергия Радонижского» и лэжьыгъэм папщIэ. Ар къыщалъытащ «Лучшая методическая разработка по предметам: Основы религиозных культур и светской этики (ОРКСЭ), ОДНКНР» унэтIыныгъэм.

Ещанэр хуагъэфэщащ Черкесск къалэм и гимназие №5-м и унафэщIым и къуэдзэ Дружининэ Еленэ. Ар къыщалъытащ «Лучшая программа духовно-

нравственного и гражданско-патриотического воспитания детей и молодёжи» унэтIыныгъэм.

«За нравственный подвиг учителя» зэпеуэм и щIыналъэ Iыхьэм щытекIуахэм КъШР-м егъэджэныгъэмрэ щIэныгъэмкIэ и министерствэм и щIыхь тхылъхэр, фэеплъ саугъэтхэр иратащ.

Зэпеуэр щызэхуащIыжым, щоджэн нэхъыжь Субтельный Евгений фIыщIэ тхылъхэр яритащ КъШР-м егъэджэныгъэмрэ щIэныгъэмкIэ и министр Кравченкэ Иннэ, министерствэм и лэжьакIуэхэм, Къэрэшей-Шэрджэсым зэпеуэр къызэрыщызэрагъэпэщам папщIэ.

Просмотров: 1435

Поделиться

VK:39834