Щоджэнхэр тепсэлъыхьащ Межсоборнэ присутствием и проеткхэм

2019 гъэм мэкъуауэгъуэм и 3-м Железноводск и Ольгинскэ члисэм щекIуэкIащ Минераловодскэ члисэ округым и щоджэнхэм я зэхуэс. Щэхухэр иригъэкIуэкIащ благочинием и щоджэн нэхъыжь Устименкэ Филипп. ТхьэлъэIум и пэ къихуэу щоджэным духовнэ гъащIэм теухуа узэщIыныгъэкIэ и къуэшхэм захуигъэзащ. Щэхухэм ирихьэлIэу щоджэнхэм тхьэлъэIу уэрэд жаIащ апостол пэлъытэ джыназ Ольгэрэ щихъ, Телъыджэ къэзыгъэхъу Николайрэ я акафистыр яIыгъыу.

А махуэ дыдэм Кисловодскэ члисэ округым и щоджэнхэм гуэныхьхэр щаIуэтэжащ икIи щызэхуэсащ Бекешевскэ станицэм Тхьэм и Анэм и Рождество члисэм. Гуэныхьхэр Iуэтэжыным и щэхухэр иригъэкIуэкIащ благочинием и щоджэн нэхъыжь Лиманов Гермоген. Абы къыхуриджащ чристэнхэм я гъащIэм щынэхъыщхьэр зыщамыгъэгъупщэну. ИужькIэ щоджэнхэм тхьэлъэIу литургие ирагъэкIуэкIащ, щоджэн Воробьев Андрей и узыншагъэр зэфIэувэжын папщIэ тхьэлъэIу уэрэд жаIащ.

2019 гъэм бадзэуэгъуэм и 4-м Налшык и Симеоновскэ члисэм щызэхуэсащ Налшык благочинием и екIуэлIапIэхэм я щоджэнхэр. Округым и щоджэн нэхъыжь Дьячков Александр щоджэнхэм ягу къигъэкIыжащ фIэщхъуныгъэ зиIэхэм клирикым и гъащIэр щапхъэ яхуэхъун зэрыхуейр.

Округищым я щоджэнхэр тепсэлъыхьащ «Положения о церковных наказаниях клириков», «О светской трудовой деятельности священнослужителей» проектхэм. Ахэр игъэхьэзыращ Межсоборнэ присутствием и комиссэм. ЗэIущIэхэм щыхэплъащ екIуэлIапIэм и гъащIэм, тхьэлъэIу практикэм теухуа нэгъуэщI Iуэхугъуэхэми.

Просмотров: 26571

Поделиться

VK:39834