ИлъэситI курсхэр щиухым щIыналъэ лъапIэм Тхьэ щелъэIуащ

Кавказ Ищхъэрэм чристэн диным и тхыдэмкIэ экзаменымкIэ зэхуащIыжащ Прохладнэ къалэм и Никольскэ члисэм и Епархие богословскэ-катехизатор курсхэм я къудамэм и етIуанэ илъэсыр. Иужьрей экзаменыр къапщытащ къудамэм и унафэщI щоджэн Еремеев Андрейрэ Свято-Тихоновскэ тхьэмахуэ школым и унафэщI, КъБР-м и Лъэпкъ музейм и къудамэм и лэжьакIуэ Истоминэ Людмилэ. Курсым щIэсхэм жэуап иратащ экзамен езыгъэтхэм я упщIэхэм, языныкъуэ еджакIуэхэм къагъэлъэгъуа темэхэмкIэ презентацэ утыку кърахьащ.

Экзамен нэужьым курсым щIэсхэр щIыналъэ лъапIэм Тхьэ елъэIуну кIуащ Осетием и лъапIэныгъэхэм. Курсым и еджакIуэ гупхэр я унагъуэхэмрэ ныбжьэгъухэмрэ я гъусэу щыIащ Аланскэ Владикавказскэ цIыхубз къулъшырыфым. ЩIыналъэ лъапIэм кIуахэр лъэIэсащ къулъшырыфым и лъапIэныгъэхэм, телъыджэ къэзыгъэхъу Николай и псынэпсым щыIащ. Къулъшырыфым гуапагъэ щызыщIэ шыпхъухэм шэджэгъуашхэм ирихьэлIэу щепсэлъащ. Аланскэ Успенскэ цIыхухъу къулъшырыфым, Фиагдон аузым хьэщIэхэр Тхьэ щелъэIуащ Тхьэм и Анэм и Моздокская тхьэнапэм деж, къулъшырыфым и блынхэм деж Кавказым ибгхэм я дахагъэм щеплъащ.

Курсыр къэзыухахэм ещанэ илъэсыр къапэщылъщ.

Просмотров: 1169

Поделиться

VK:39834