Етхуанэ Кирилло-Мефодиевскэ къеджэныгъэхэр Карачаевск щекIуэкIащ

Карачаевск Алиев У.Д. и цIэр зезыхьэ и къэрал университетым щекIуэкIащ XV Кирилло-Мефодиевскэ республикэ къеджэныгъэхэр. ЗэIущIэр теухуауэ щытащ щэнхабзэ щIэинхэмрэ урыс-кавказ щIэныгъэ зэпыщIэныгъэхэм зегъэужьынымрэ.

Зэхыхьэм хэтхэм фIэхъускIэ захуигъэзащ университетым и проректор, профессор ПIаз Сергей, Ипщэ Къэрэшей-Шэрджэс члисэ округым и благочиннэ щоджэн нэхъыжь Субтельный Евгений.

Пленарнэ зэIущIэм хэтхэр едэIуащ докладибл урысыбзэм и мыхьэнэм, психологием, кубань къэзакъхэм я псэлъэкIэм, филологие щIэныгъэм и Iуэху зэIумыбзхэм теухуауэ.

Шэджагъуэ нэужьым щIэныгъэлIхэмрэ студентхэмрэ лэжьыгъэм щыпащащ къеджэныгъэхэм я секцэхэм.

Просмотров: 671

Поделиться

VK:39834