Архиепископ Феофилакт Патриарх ЛъапIэ Кирилл къулыкъур дригъэкIуэкIащ

2019 гъэм накъыгъэм и 24-м, апостол пэлъытэхэу, словен егъэджакIуэхэу Мефодийрэ Кириллрэ я фэеплъ махуэм, Москварэ Урысей псомрэ я Патриарх ЛъапIэ Кирилл тхьэлъэIу литургие щригъэкIуэкIащ Москва КъегъэлакIуэ Христос и цIэр зезыхьэ и члисэм. А махуэ дыдэм славян тхыбзэмрэ щэнхабзэмрэ я махуэр ягъэлъапIэ, Патриарх ЛъапIэ Кирилл и къулыкъур щыхуагъэфэщам щIыгъуу. Патриархым къулыкъу дащIащ Урыс Чристэн Члисэм и Синод ЛъапIэм хэтхэмрэ Урыс Чристэн Члисэм и иерарххэм я члисэ зэхуэхьэсамрэ. Пастыр нэхъыщхьэхэм ящыщу Урыс Члисэм и Iэтащхьэм къулыкъу дищIащ Псыхуабэ, Черкесск щIыналъэхэм я архиепископ Феофилакт. ТхьэлъэIум хэтащ щоджэн нэхъыщхьэхэр, Чристэн Члисэхэм я щоджэнхэр, Москва къалэм и щоджэнхэр. Тыхь щIапIэм деж тхьэлъэIум хэтащ Иерусалим Чристэн Члисэм и лIыкIуэхэр, Америкэ Ищхъэрэм и Антиохийскэ архиепископием и лIыкIуэхэр. Члисэм щыIащ УФ-м и Президентым и полномочнэ лIыкIуэу федеральнэ округ нэхъыщхьэм щыIэ Щеголев Игорь. Махуэшхуэ тхьэлъэIум зыкърагъэхьэлIащ Таиланд Пащтыхьыгъуэм и лIыкIуэм.

Ектением щылъэIуащ Чристэн Члисэр зэкъуэтыну. Крутицкрэ Коломенскрэ я митрополит Ювеналий фIыщIэ тхьэлъэIум къеджащ. Урыс Чристэн Члисэм и Iэтащхьэм тхьэлъэIу иригъэкIуэкIащ Украинэм мамырыгъэр щызэфIэувэжын папщIэ. УзэщIыныгъэр жиIащ Москва и духовнэ академием и ректор, Верейск и архиепископ Амвросий. Патриарх ЛъапIэ Кирилл тхьэлъэIу иригъэкIуэкIащ, щихъхэу Кириллрэ Мефодийрэ папщIэ. Крутицк и митрополит Ювеналий Урыс Чристэн Члисэм и Синод ЛъапIэм и хъуэхъум къеджащ. Москва епархием и Патриаршэ унафэщIым Патриарх ЛъапIэм иритащ Тхьэм и Анэм и «Щыгъуэ псоми гуфIэгъуэ» тхьэнапэм и списокымрэ розэ букетрэ. УФ-м и Президентым и полномочнэ лIыкIуэу федеральнэ округ нэхъыщхьэм щыIэ Щеголев Игорь Урысейм и Президент Путин Владимир и цIэкIэ тхьэлъэIум хэтхэм ехъуэхъуащ члисэ-къэрал махуэшхуэм папщIэ – славян тхыбзэмрэ щэнхабзэмрэ я махуэшхуэмрэ Урыс Члисэм и Iэтащхьэм и къулыкъур зэрыхуагъэфэщамкIэ. Патриарх ЛъапIэм махуэшхуэм хэтхэм захуигъэзащ псалъэкIэ икIи члисэ дамыгъэхэр яритащ. ТхьэлъэIу нэужьым Москварэ Урысей псомрэ я Патриарх Кирилл щыIащ «Мир, в котором я живу» концерт Ут Плъыжьым щекIуэкIам. Ар теухуауэ щытащ славян тхыбзэмрэ щэнхабзэмрэ я махуэм.

Просмотров: 1065

Поделиться

VK:39834