Къэрэшей-Шэрджэсым щагъэнэIуащ егъэджакIуэхэм я зэпеуэм и щIыналъэ Iыхьэм пашэ щыхъуахэр

2019 гъэм мэлыжьыхьым и 23-м Къэрэшей-Шэрджэс республикэм егъэджэныгъэмрэ щIэныгъэмкIэ и министерствэм щекIуэкIащ егъэджакIуэхэм я «За нравственный подвиг учителя» зэпеуэм и щIыналъэ Iыхьэм и къэпщытакIуэхэм, зэпеуэм и комиссэм хэтхэм я зэIущIэ. КъэпщытакIуэхэм я лэжьыгъэр иригъэкIуэкIащ министрым и къуэдзэ Бэчыжь ФатIимэ. Республикэ Iыхьэм увыпIэхэр мыпхуэдэу щагуэшащ:

 

I увыпIэр зэдагуэшащ «Черкесск къалэм егъэджэныгъэмкIэ и центр №11»-м и егъэджакIуэхэу Салащенкэ Татьянэрэ Ляшовэ Еленэрэ я «Детские Сергиевские чтения». лэжьыгъэм папщIэ;

II увыпIэр зэдагуэшащ МКОУ «СОШ № 1 станицы Зеленчукской имени В.П. Леонова» IуэхущIапIэм и егъэджакIуэ Каракотовэ Хьэлимэт-хьэжы и «Я с семьей, она со мной» лэжьыгъэм, МКОУ «ООШ №2 станицы Кардоникской» IуэхущIапIэм и егъэджакIуэ Босовэ Валентинэ и «Дорога к свету» лэжьыгъэм папщIэ;

III увыпIэр хуагъэфэщащ МОУ «Гимназия №19 города Черкесска» IуэхущIапIэм и егъэджакIуэ Ермоленкэ Ларисэ и «Деятельность Сергия Радонежского» лэжьыгъэм.

Зэпеуэм и щIыналъэ Iыхьэр Къэрэшей-Шэрджэс республикэм щекIуэкIынущ, Черкесск къалэм егъэджэныгъэмкIэ и центр №11-м мы гъэм мэкъуауэгъуэм и кIэхэмм. А махуэ дыдэм Ипщэ Къэрэшей-Шэрджэс члисэ округым и екIуэлIапIэм и благочиннэ щоджэн нэхъыжь Субтельнй Евгений егъэджэныгъэмрэ щIэныгъэмкIэ и министр Кравченкэ Евгений фIыщIэ тхылъ иритащ чристэн щэнхабзэм и лъабжьэмкIэ еджакIуэхэм я урысейпсо олимпиадэр егъэкуIэкIынымкIэ къазэрыдэIэпыкъуам папщIэ.

Просмотров: 928

Поделиться

VK:39834