«ДыгъафIэ къалэ», «Анэхэм папщIэ унэ» IуэхущIапIэхэр «Признание» саугъэтым и лауреат хъуащ

2019 гъэм мэлыжьыхьым и 18-м Ставрополь крайм Лэжьыгъэмрэ социальнэу цIыхухэр хъумэнымкIэ и министерствэм щекIуэкIащ «Признание» саугъэтыр зыхуагъэфэщахэр щагъэпажэ пшыхь гуапэ. А дамыгъэр 2014 гъэм министерствэм игъэуващ жылагъуэ, профессиональнэ тыгъэр социальнэ Iуэхухэр зэфIэзыххэм хэлъхьэныгъэ хуэзыщIхэм, псапащIэхэм зезыгъэужьхэм папщIэ.

Мы гъэм зэпеуэр етхуанэу къызэрагъэпэщ икIи абы предприятэ, IуэхущIапIэ 60-м нэблагъэ хэтщ. Министерствэм къыщызэрагъэпэща комиссэм и унафэкIэ унэтIыныгъихым щыщу тIум пашэ щыхъуащ ЕссэнтIыгу къалэм и епархие IуэхущIапIэхэр.

· «Преодоление» унэтIыныгъэм (зи узыншагъэм къимыхьхэм хуаIэ щытыкIэм захъуэжынымкIэ жылагъуэр дэIэпыкъуэгъу зэрыхъум папщIэ) – зи узыншагъэм къимыхь сабийхэмрэ щIалэгъуалэмрэ я «ДыгъафIэ къалэ» мыкоммерцэ автономнэ центр (унафэщIыр Земцевэ Екатеринэщ). «Детство с улыбкой» унэтIыныгъэм (щытыкIэ гугъу ихуа сабийхэм я Iуэху зэIумыбзхэр зэфIэхыным хэлъхьэныгъэ хуэщIынымкIэ) – Рубец Ларисэ зи унафэщI «Анэхэм папщIэ унэ» мыкоммерцэ автономнэ IуэхущIапIэр.

· Пашэ хъуахэм я дамыгъэхэр щаритыжым - щIыхь тхылъхэмрэ статуэткэхэмрэ - Ставрополь крайм лэжьыгъэмрэ социальнэ зыужьыныгъэмкIэ и министр Ульянченкэ Иван къыхигъэщащ – щIыналъэм и Губернаторымрэ Правительствэмрэ, ди министерствэм куэд зэфIах щытыкIэ гугъу ихуахэм ядэIэпыкъун папщIэ, зи узыншагъэм къимыхьхэм зыщIагъэкъуэн папщIэ. Къэрал дэIэпыкъуныгъэхэм къыдэкIуэу цIыхухэм зыщIагъэкъуэн хуей щыхъуи щыIэщ. А Iуэху мытыншыр щIыналъэм и псапащIэ IуэхущIапIэм зэфIегъэкI. ЩIыпIэм хуэныкъуэм дэIэпыкъуэгъу хуэхъу цIыхухэр мымащIэу щопсэу. Апхуэдэ дэIэпыкъуныгъэ зыщIэну хьэзырхэм я бжыгъэм гъэ къэси зэрыхэхъуэр гуапэщ.

Просмотров: 656

Поделиться

VK:39834