Благочиннэр ехъуэхъуащ МВД-м и ветеранхэм

2019 гъэм мэлыжьыхьым и 18-м Урысей МВД-м и «Зеленчукский» къудамэм къэралкIуэцIыдзэ органхэм я ветеранхэм я махуэмкIэ ехъуэхъуну кIуащ дин IуэхущIапIэхэм я лIыкIуэхэр, районым и депутатхэр, полицэ классхэм я егъэджакIуэхэр, еджакIуэхэр. Къызэхуэсахэм махуэшхуэмкIэ ехъуэхъуащ ветеранхэм я Советым и унафэщI, мылицэм и майор Батчаев Мухьэт. Абы къыхигъэщащ 2018 гъэм IуэхущIапIэм хэта лэжьакIуэхэм я фIыгъэкIэ щIэпхъэджагъэ 21-рэ къызэрыщIагъэщар.

Жылагъуэ советым хэт щоджэн нэхъыжь Субтельный Евгений ветеранхэм фIыщIэ яхуищIащ я псэемыблэж къулыкъум папщIэ: «…щыгъуэлъыжкIэ цIыху псори егупсысыркъым мыжейхэм, адрейхэм я жейр ягъэмащIэу. Зи мамырыгъэр фхъумэ цIыху псоми къабгъэдэкIыу къулыкъу илъэс куэдкIэ зэрыфщIам папщIэ фIыщIэ фхузощI».

Хъуэхъу нэужьым ветеранхэм КъШР-м и ЦIыхубэ Зэхуэсым, Зеленчукскэ муниципальнэ районым и депутат корпусым и Iэтащхьэм, администрацэм и Iэтащхьэм, Къэрэшей-Шэрджэсым и МВД-м и ветеранхэм я Советым я щIыхь, фIыщIэ тхылъхэр иратащ.

Просмотров: 537

Поделиться

VK:39834