Черкесск ягу къыщагъэкIыжащ щоджэныр

2019 гъэм гъатхэпэм и 14-м ягу къагъэкIыжащ КъШР-м и Марухэ къуажэмрэ Кардоникскэ станицэм и члисэмрэ къулыкъу щызыщIа щоджэн Русаков Никандр дунейм зэрехыжрэ илъэси 101-рэ щрикъум ирихьэлIэу Черкесск и Никольскэ члисэ зэхуэхьэсам фэеплъ зэхыхьэ щрагъэкIуэкIащ. Абы хэтащ щоджэн Никандр и благъэхэр, Черкесск и члисэ зэхуэхьэсамрэ Покров члисэмрэ екIуалIэхэмрэ. Дунейм ехыжам папщIэ тхьэлъэIур иригъэкIуэкIащ епархием щихъхэр канон щIынымкIэ и комиссэм и секретарь щоджэн Гурин Александр.

ЗэIущIэм щыпащащ Никольскэ члисэ зэхуэхьэсам и залым. Никандр ипхъу Евгение къызэхуэсахэм ягу къигъэкIыжащ и адэм теухуахэр, къулыкъу зэрищIар, Русаковхэ я унагъуэшхуэм, пастыр куэд къазэрыхэкIам, Урыс Члисэм и цIыхухэм. Щоджэн Никандр и гъащIэм теухуауэ къэпсэлъащ щоджэн Гурин Александр. Ар къытеувыIащ Никандр теухуауэ ещанэ архивно-следственнэ IуэхущIапIэм къыщагъуэтахэм, Урыс Члисэм Тхьэм папщIэ бэлыхь куэд зрагъэшэча, гуэныхь зрагъэIуэтэжа и щихъхэм я фэеплъыр мыгъэкIуэдыжыным ехьэлIауэ ирагъэкIуэкI лэжьыгъэхэм. ЗэIущIэр зэхуащIыжащ щоджэн Русаков Никандр теухуа фильмкIэ.

Просмотров: 441

Поделиться

VK:39834