Пятигорск епархиядан паломникле, Матрона Москоаская аулияны дин сыйларыны къатында тилек этдиле

Быйыл март айны 8-де Матрона Московская аулияны эсгериу кюндю. Пятигорск епархияны паломниклери аны асыралгъан джерине бардыла. Ол джолоучулукъну , Пятигорске бла Черкесскени архиепископу Феофилактны разылыгъы бла «Кавказский Паломник» деген къуллукъ къурагъанды. Ол джолоучулукъгъа Нарсана бла Лермонтов благочинияны клисаларыны джамагъаты къошулгъанды. Алагъа джол негерликни протоирей Степанов Вадим этгенди. -Биз Лаврада Сергий Радонежский шыйыха сый бердик, монастырны дин къарнашлары бла бирге эртденги дин къуллукгъа да къошулдукъ- деб хапар айтады экскурсия бардыргъан Боголюбова Валерия, андан сора Хотьковда болдукъ, дин джолоучулукъну Задонский Тихон Шыйхны къатында бошадыкъ. Москваны Покров монастырында да бек джылы тюбедиле, кюн аман болгъанына да уллу очередлеге да къарамай. Кавказдан келген паломниклеге кезюусюз дин сылагъа табыныргъа къойдула, ол себебден биз ол кюн Новоспас монастырда да тилекле этдик, алайда Черкасский билени кешенелерине да бардыкъ. Сретен монастыргъа барыргъа да заманыбыз къалгъан эди.
Эртдеден белгилиди, дин джолоучулукъ , адамгъа джарсыуланы унутуб Джашаугъа эмда Православ дуниягъа башха кезден къараргъа мадар береди. Епархияны «8 марта – День блаженной Матроны» деген акциясы да бу ашхы ишни бет джарыкълы къураргъа болушханды.

Просмотров: 2212

Поделиться

VK:39834