Христос воскресе! Χριστος ανεστη! Чырысти райгас! Христос Къэтэджыжащ! Масих Тирилди!

Архиепископ Феофилакт игъэнэхуащ Горнэ къуажэм и члисэр

2019 гъэм гъатхэпэм и 8-м, щихъ блаженнэ Московская Матронэ и къарум щыщ Iыхьэхэр щагъэIэпхъуэ махуэм, Псыхуабэ, Черкесск щIыналъэхэм я архиепископ Феофилакт Горнэ къуажэм блаженнэ Матронэ и цIэр зезыхьэ члисэр игъэнэхуащ икIи тхьэлъэIу литургиер щригъэкIуэкIащ. Щоджэн нэхъыщхьэм къулыкъур драгъэкIуэкIащ ЕссэнтIыгу члисэ округым и екIуэлIапIэхэм я щоджэнхэм благочиннэ щоджэн нэхъыжь Еланцев Сергий я пашэу. Къардэн къулыкъур иригъэкIуэкIащ къардэн нэхъыжь Кубэ Димитрий.

Ягъэнэхуа нэужь Пастыр нэхъыщхьэм тхьэлъэIу литургиер иригъэкIуэкIащ блаженнэ Московская Матронэ и щIыхькIэ икIи фIэщхъуныгъэ зиIэхэм узэщIыныгъэкIэ захуигъэзащ. ИужькIэ Щихънагъ нэхъыщхьэм члисэ ухуакIуэм и Патриаршэ дамыгъэр иритащ члисэм и ктитор Айтов Валерий. Архиепископ Феофилакт ухуэныгъэм хэта псоми фIыщIэ яхуищIащ икIи Тхьэр къадэIэпыкъуну захуигъэзащ фIэщхъуныгъэ зиIэхэм я чристэн зэгухьэныгъэр егъэфIэкIуэнымкIэ.

Просмотров: 683

Поделиться

VK:39834