КъегъэлакIуэ ныбжьыщIэхэм лIыхъужьыгъэм и дерс ирагъэкIуэкIащ

Мы махуэхэм Урысей МЧС-м Къэрэшей-Шэрджэсым щиIэ къудамэм и къэлъыхъуакIуэ-къегъэлакIуэ гупым махуэшхуэхэр щекIуэкIащ, Хэкум и хъумакIуэхэм теухуауэ. ЛIыхъужьыгъэм и дерс ирагъэкIуэкIащ Черкесск къалэм и Свято-Сергиевскэ гимназием и «Юный водник» кадет классым и гъэсэнхэм я унафэщI Денисенкэ Виктор и нIээм щIэту.

Дерсым и хьэщIащ Урысей МЧС-м и управленэ нэхъыщхьэм Къэрэшей-Шэрджэс республикэм щиIэ къудамэм и унафэщI Шарков Сергей, Черкесск и Никольскэ члисэ зэхуэхьэсам и ключарь щоджэн нэхъыжь Кузнецов Сергей,

КъШР-м и къэлъыхъуакIуэ-къегъэлакIуэ IуэхущIапIэм и ветеранхэр, республкиэм и журналистхэр.

НыбжьыщIэхэм дерсыр траухуащ Урысейм и лIыхъужьхэм, къегъэлакIуэу илъэс зэмылIэужьыгуъэхэм къулыкъу щызыщIахэр. КъищынэмыщIауэ, а махуэм кадетхэм ягу къагъэкIыжащ зи къулыкъу зыгъэзащIэу хэкIуэдахэр. Щоджэн нэхъыжь Кузнецов Сергий Къэрэшей-Шэрджэсым и къэлъыхъуакIуэ-къегъэлакIуэ гупым и унафэщI Мозгов Андрей иритащ Тхьэм папщIэ бэлыхь куэд зрагъэшэча Георгий и тхьэнапэр.

Махуэшхуэр къызэзыгъэпэщахэм фIыщIэ яхуищIу, Урысей МЧС_м и ГУ-м КъШР-м щиIэ къудамэм и унафэщI Шарков Сергей фIыщIэ тхылъыр яритащ егъэджэныгъэмкIэ Центр №11-м и унафэщI Ляшовэ Еленэ, «Юный водник» классым и класс унафэщI Салащенкэ Татьянэ, Центрым и егъэджакIуэ Алиевэ Татьянэ, Архиерей пщIантIэм и ключарь щоджэн нэхъыжь Кузнецов Сергей.

Просмотров: 1155

Поделиться

VK:39834