УнафэщIым и юбилейм ирихьэлIэу епархием и дамыгъэр къыхуагъэфэщащ

2019 гъэм мазаем и 18-м Псыхуабэ и Лазаревскэ члисэм и унафэщI, Псыхуабэ, Лермонтовэ, Налшык благочиниехэм я щоджэн, епархием и комиссэм хэт, епархием и Iэгъуэблагъэхэм щыIэ къэзакъ зэгухьэныгъэхэм я щоджэн нэхъыжь Дьячков Александр и илъэс 70-р игъэлъэпIащ. Александр махуэшхуэр тхьэлъэIу литургиекIэ иригъэжьащ. Абы къулыкъур драгъэкIуэкIащ щоджэн 14-м. Абыхэм ящыщт Псыхуабэ члисэ округым и екIуэлIапIэхэм я благочиннэ щоджэн нэхъыжь Дубинский Борис, Лермонтовскэ члисэ округым и екIуэлIапIэхэм я благочиннэ щоджэн нэхъыжь Фаустов Константин, Псыхуабэ къалэм и члисэхэм я унафэщIхэр. Москва и духовнэ семинариер къэзыуха Александр илъэс 42-рэ

хъуауэ Тхьэм къулыкъу хуещIэ, абы щыщу илъэс 16-м Лазаревскэ члисэм и унафэщIщ.

Абы ехъуэхъуну къэкIуащ Лазаревскэ члисэм екIуалIэхэр, Горячеводскэ зэгухьэныгъэм и къэзакъхэм атаман Поматов Валерий я пашэу, къэзакъ Успенскэ члисэм екIуалIэхэр, Александр илъэс 20-кIэ унафэщIу щылэжьар. Псыхуабэ, Черкесск щIыналъэхэм я архиепископ Феофилакт къыбгъэдэкIыу ехъуэхъуащ Административнэ секретариатым и унафэщI щоджэн Яковенкэ Илия, «Псыхуабэ епархием къулыкъу зэрыхуищIам папщIэ» медалым и II нагъыщэр иритри. Зи юбилейр зыгъэлъапIэм и дамыгъэр хуигъэфэщащ Пастыр нэхъыщхьэм. Александр и хъуэхъухэм пыдощэ икIи илъэс куэд къигъэщIэну дохъуэхъу!

Просмотров: 1022

Поделиться

VK:39834