Благочиннэр атаманым и гъусэу тепсэлъыхьащ Iуэху зэIумыбзхэм

Зеленчукскэ районым и Петропавловскэ члисэм щекIуэкIащ Ипщэ Къэрэшей-Шэрджэс члисэ округым и екIуэлIапIэхэм я благочиннэмрэ Кубань къэзакъыдзэм и Баталпашинскэ къудамэм и Урупскэ районым и къэзакъ  зэгухьэныгъэм и станицэ, къуажэдэс атаманхэмрэ я зэIущIэ.Щоджэн нэхъыжь Субтельный Евгений Урупскэ районым и атаман Гежин Виталий ехъуэхъуащ Псыхуабэ, Черкесск щIыналъэхэм я архиепископ Феофилакт и саугъэтыр къэхьынымкIэ къэзакъ щIалэгъуалэм я етхуанэ спартакиадэм фIыуэ зэрызыкъыщагъэлъэгъуам папщIэ.
Виталий благочиннэм дэгуэшащ языныкъуэ егъэджэныгъэ IуэхущIапIэхэм  къыщыхъу Iуэху зэIумыбзхэмкIэ. Ди жагъуэ зэрыхъунщи, зэрырагъаджэпрограммэхэр нэсу зэхэгъэува хъуакъым, апхуэдэ тхылъхэм сабийхэм я нэгу  къыщIагъэхьэ чристэн хабзэхэм, фIэщхъуныгъэм пэжыжьэ къэзакъ нэпцIхэр.Щоджэным зэхуэсахэр хигъэгъуэзащ «Православные истоки казачества» дерсым, Урысей Федерацэм и Iэгъуэблагъэм Урыс Чристэн Члисэм и тхьэмахуэ школхэм диным теухуауэ щрагъэджыну дерс гуэдзэнхэм я Реестрым хагъэхьам.  Щоджэн нэхъыжь Субтельный Евгений атаманхэм яхуигъэлъэгъуащ къэзакъунэтIыныгъэ зиIэ классхэр а программэм тету еджэну.

Просмотров: 1127

Поделиться

VK:39834