Христос воскресе! Χριστος ανεστη! Чырысти райгас! Христос Къэтэджыжащ! Масих Тирилди!

Тхьэм папщIэ бэлыхь куэд зрагъэшэчахэм я фэеплъ конференцэ Псыхуабэ щекIуэкIащ

2018 гъэм фокIадэм и 16-м Урыс Чристэн Члисэм и Издательскэ Советым и унафэщI, Калужскрэ Боровскрэ я митрополит Климент, Псыхуабэ, Черкесск щIыналъэхэм я архиепископ Феофилакт, Махачкалинскрэ Грозненскрэ я архиепископ Варлаам сымэ Псыхуабэ и Спасскэ кфаедральнэ члисэ зэхуэхьэсам тхьэлъэIу литургие щрагъэкIуэкIащ, Псыхуабэ епархием и щоджэнхэр, пастыр нэхъыщхьэхэр я гъусэу.

ТхьэлъэIу нэужьым митрополит Климент архиепископ Феофилакт тыгъэ хуищIащ Издательскэ Советым и дамыгъэр – Фёдоров Иван и медалым и япэ нагъыщэр.
ИужькIэ Спасскэ члисэ зэхуэхьэсам и ЩIалэгъуалэ центрым "Царственные страстотерпцы и новомученики Российские" конференцэр щекIуэкIащ. Зэхуэсым и хьэщIэхэмрэ абы хэтхэмрэ фIэхъус ярихащ архиепископ Феофилакт. Пащтыхь Николай ЕтIуанэм и гъащIэм теухуа докладыр ищIащ митрополит Климент. ЩIалэгъуалэм я гъэсэныгъэм и псалъэр триухуащ Патриаршэ литературэ саугъэтым и лауреат, тхакIуэ Николаев Виктор. Тхьэм и нэфI зыщыхуа Кавказым Тхьэм папщIэ бэлыхь куэд зрагъэшэча, гуэныхьхэр зыIуэтэжа и щихъхэм теухуауэ къэпсэлъащ Псыхуабэ епархием щихъхэр канон щIынымкIэ и унафэщI иеромонах Елевферий (Казаков). Москварэ Урысей псомрэ я Патриах Кирилл и лэжьыгъэхэр утыку кърихьащ «Чристэн тхылъ» зэгухьэныгъэм и унафэщI Головин Алексей. Зэхуэс нэужьым митрополит Климент архиепископ Феофилакт щIыгъуу щыIащ Псыхуабэ и щIыпIэ дахэхэм зыщаплъыхьыну, Успенскэ Второафонскэ Бештаурскэ цIыхухъу къулъшырыфым и лъапIэныгъэхэм деж Тхьэ щелъэIуну.

Просмотров: 903

Поделиться

VK:39834