Къэрэшей-Шэрджэсым къикIыу щIыналъэ лъапIэм кIуахэр Кърымым аргуэру щыIащ

Ипщэ Къэрэшей-Шэрджэс члисэ округым и члисэхэм екIуалIэхэр хабзэ эрыхъуауэ Кърымым кIуащ. Абы и программэм и япэ Iыхьэм щыщт – щихъ Лукэ, Крымск и архиепископым и къарум щыщ Iыхьэр, акафистыр щIыгъуу тхьэлъэIу ирагъэкIуэкIыныр, Симферополь и Свято-Троицкэ къулъшырыфым тхьэлъэIу литургие щащIыныр, щихъ-дохутырым и къарум щыщ Iыхьэхэр щахъумэм. ЩIыналъэ лъапIэм кIуахэр щыIащ Бахъчисарай Успенскэ къулъшырыфым, щихъхэу Кусьмэрэ Домианрэ я цIэр зезыхьэ къулъшырыфым, Христос ЛIахэм КъащыхэтэджыкIыжа члисэ Фарос бгым тетым, «Херсонес Таврический» заповедникым, къуэшыкхъэм щыIэ Никольскэ члисэм, Свято-Георгиевскэ къулъшырыф Фиолент мысым щыIэм, Инкерманскэ Климентовскэ бгъуэнщIагъ цIыхухъу къулъшырыфым, Ливадий уардэунэм, Крестовоздвиженскэ члисэм,
Тхьэм папщIэ бэлыхь куэд зрагъэшэча Анастасие Узорешительницэм и скитым (хьэпIацIэщыгъэ члисэ) Качи-Кальон щыIэм. ЩIыналъэ лъапIэм Тхьэ елъэIуну кIуахэм зыхагъэгъуэзащ Чристэн диным и тхыдэм, хытIыгуныкъуэм къулыкъу щызыщIа цIыхухэм теухуахэр къащIащ.

Просмотров: 1145

Поделиться

VK:39834