Софий талада эсгериу акция къачлы джюрюш бла башланныкъды

Быйыл июнь айны 22-де Зеленчюк районда тертюнчю кере болуб "Зажги свечу в память освободителей Кавказа" деген ат бла акция болуб етерикди. Ол "Свеча памяти"  деген халкълаарасы акцияны къурамында етерикди. Аны, Зеленчюк муниципал районну администрациясы бла Къарачай-Черкесияда Къыбла клиса округ эмда районну культура Юйю бла Къобан къазакъ аскерни Баталпаша белюмюню Зеленчюк къазакъ район джамагъаты къурагъандыла. Адетдеча ары сохтала, студентле 20096 номерли "Горная" деген мотострелковый бригаданы аскерсилери эмда юнармеецле чакъырыладыла. Акцияны программасында бушуу митинг, салют, къазауат джырладан къуралгъан концерт, православ адетдеча маулут аш этерикдиле. Акцияны аллын июнну 22-де кюндюз сагъат 11-де Ахызны София таласында Кавказ ауушланы къоруулагъан аскерчилеге салыннган Мемориалгъа дери къачлы джюрюш бла барлыкъдыла. Июнь айны 18-де да Зеленчюк станседе ол кюнге хазырланыуну юсюнден кенгеш болуб етген эди. Аны ишине клиса округну джуаблы динчиси протоирей Субтельный Евгений да къошулгъан эди.

Просмотров: 588

Поделиться

VK:39834