Черкесскени Никольский клисасында ангылатыу-юретиу тюбешиуле бардырыладыла

Быйыл апрель айны 24-де Черкесскени Никольский клисасында, 2Православная инициатива 2017- 2018» деген Халкълаарасы грант конкурсда хорлагъан «Карачаево-Черкесия и Православная Церковь на Кавказе в XIX-XX веках. Цикл просветительских бесед», деген проектни юсю бла ючюнчю кере болуб тюбешиу болуб етдю. Анга Свято-Сергий гимназияны сохталары эмда С.П.Никулин атлы республикан сабий китабхананы джаш окъуучулары да къошулдула. Клисаны клириги иерей Гурин Александрны хапарыны темасы, 1927-1934- чю джыллада Паталпаша станседе православ казакълагъа этилген репрессиялары юсюнден болду. Сохтала,Никольский бла Покров клисалада къуллукъ этген православ динчиледен хапарлы болдула. Ол джыллада ала къаллай къыйынлыкъла чекгенлерин да билдиле. Ушакъдан сора сабийле, «Благославенный Кавказ» деген студия этген Баталпашинске стансени православ динчилерини юсюнден киногъа къараб аны да сюздюле.
Ушакъны экинчи белеги Никольский клисада орналгъан стендлени къатында барды. Былайда сохтала, праослав дин ючюн джарсыгъан подвижниклени джашаулары бла шагърей болуб къалмай аланы суратларын да кердюле. Сабийлени асламысы, Черкесскени православ динчилери Биринчи Дуния къазауатда полкну динчилери болуб тургъанларын, къазауатда елген солдатланы юй бийчелерине болушханларыны юсюнден хапарлы да болдула. Аланы асламысы Уллу Ата Джурт къазауатны заманында къанлы джаугъа къаршчы турууда болушлукъ этгенлери ючюн разылыкъ письмола бла да саугъаланнгандыла.
Тюбешиуню аягъында православ динчи сохталагъа «Благославенный Кавказ» деген журналны номерин берди. Анда статьяланы бири Черкесскени Никольский клисасына аталгъанды.

Просмотров: 1690

Поделиться

VK:39834