Къалэхэмрэ станицэхэмрэ ягу къыщагъэкIыжащ зи щIыналъэм ирагъэкIа къэзакъхэр

2018 гъэм гъатхэпэм и 27-м къэзакъхэр щыщIалъхьа махуэм, ЕссэнтIыгу къалэм и школ №5-м пэгъунэгъуу, щоджэнхэмрэ къэзакъхэмрэ щызэхуэсащ, Тэрч къэзакъхэм я лъэпкъ гъэкIуэдым и фэеплъыр ягу къагъэкIыжын папщIэ. Гъэ къэс гъатхэпэм и кIэуххэм къэзакъхэм ягу къагъэкIыж тэрч къэзакъхэр я щIыналъэм зэрырагъэIэпхъукIауэ щытар, цIыху мин бжыгъэхэр абы и зэранкIэ хэкIуэдауэ зэрыщытар.
ТхьэлъэIур иригъэкIуэкIащ Тхьэнапищ члисэм и унафэщI щоджэн Букарев Андрей. Щоджэным ягу къигъэкIыжащ дунейм ехыжахэм папщIэ зэгъусэу тхьэ елъэIун зэрыхуейр. Аращ ахэр зэкъуэзыгъэувэфынур.
А махуэм лажьэншэу яукIа къэзакъхэр ягу къагъэкIыжу Тхьэ щелъэIуащ Котляревскэ станицэми (КъБР). 1920 гъэм гъатхэпэм и 27-м тэрч къэзакъхэр я щIыпIэм щрагъэIэпхъукIым Далаковэ гъущIгъуэгу станцым (иджы Беслъэн къалэ) хэкIуэдахэр ягу къыщагъэкIыж махуэщ.

ТхьэлъэIум хыхьэу ягу къагъэкIыжащ Кемеровэ къалэм гъатхэпэм и 25-м щыхэкIуэдахэр. Ар иригъэкIуэкIащ станицэм и Покров члисэм и унафэщI щоджэн Арманов Николай.

Просмотров: 1949

Поделиться

VK:39834