Шахарла бла станселеде репрессиялагъа тюшген къазакъланы эсге тюшюрдюле

Быйыл март айны 27-де Ессентюк шахарны 5-чи номерли орта школундан узакъ болмай къазакъла асыралгъан къабырлада православ динчи да къазакъла да Терк къазакълагъа этилген геноцидде елген къазакъланы эсгериу Кюн бирге джыйылдыла. Хар джыл сайын март айны аягъында терк станселени биринчи депортациясы башланнган эмда андан сора баргъан геноцидни къара датасын эсге тюшюредиле, ол заманлада талай мин гадам елгенди. Алагъа православ адетдеча джаназы дуаны Святой Троица клисаны тамадасы иерей Букарев Андрей окъуду. Православ динчи , бары да джыйылб бирге тилек этерге кереклисин эсге салды. Аллахны джолунда джангыз тилек бирикдиреди барыбызны да. Ол кюн огъунакъ ол ачы замнлада гюнахсыз елгенлени ол бир дуниялары джарыкъ болсун деб Къабарты-Малкъарны Котляров стансесинде тилекле этилдиле. 1920-чы джыл март айны 27-си терк къазакълагъа бушуу кюндю, ол заманда къартын джашын да кечюрюрге деген приказны чыкъгъаны эмда андан сора сауутланнган конвой талалай адамны Далаково станцияда (бусагъатда Беслан шахар) сауутдан атыб елтюргендиле. Алайда тилек этилген сагъатда да быйыл март айда Кемерово шахарда елгенлеге да православ адетдеча джаназы дуа да окъудула. Ол дин къуллукъну стансени Покров клисасыны тамадасыны орнун толтургъан иерей Арманов Николай бардыргъан эди.

Просмотров: 1861

Поделиться

VK:39834