Христос воскресе! Χριστος ανεστη! Чырысти райгас! Христос Къэтэджыжащ! Масих Тирилди!

Зеленчукскэ станицэм пащтыхь шэнтиуэ махуэшхуэм щыIущIащ

2018 гъэм гъатхэпэм и 2-м, Тхьэм папщIэ фэеплъ куэд зрагъэшэча Тирон Феодор и фэеплъ махуэм, Зеленчукскэ станицэм и зэгухьэныгъэм пащтыхь шэнтиуэ махуэшхуэр щрагъэкIуэкIащ, Тхьэм папщIэ бэлыхь куэд зэрагъэшэчам теухуауэ.
Пащтыхь шэнтиуэ махуэшхуэм и тхьэлъэIу литургиер иригъэкIуэкIащ Ипщэ Къэрэшей-Шэрджэс члисэ округым и екIуэлIапIэхэм я благочиннэ щоджэн нэхъыжь Субтельный Евнений, Зеленчукскэ станицэм Тхьэм папщIэ бэлыхь куэд зрагъэшэча Тирон Феодор и цIэр зезыхьэ щоджэн Касмицкий Алексий, Зеленчукскэ станицэм Петропавловскэ члисэм и щоджэн нэхъыжь Гончаренкэ Алексий, Карачаевскэ къалэм и Пантелеимоновскэ члисэм и унафэщI щоджэн Фоменкэ Сергий.
Зэгъусэ тхьэлъэIу нэужьым благочиннэм члисэм и екIуэлIапIэм кIуэхэм пастыр нэхъыщхьэ, Псыхуабэ, Черкесск щIыналъэхэм я щихънагъ Феофилакт къыбгъэдэкI хъуэхъукIэ захуигъэзащ.
Къэрэшей-Шэрджэсым и ЦIыхубэ зэхуэсым (Парламентым) и УнафэщIым къыбгъэдэкI фIэхъусым къызэхуэсахэм къахуеджащ КъШР-м и ЦIыхубэ Зэхуэсым (Парламентым) аграрнэ политикэмкIэ, щIыуэпс ресурсхэмрэ щIыуэпсыр къэгъэсэбэпынымкIэ и Комитетым и унафэщI Власенкэ Наталья. Сыт щыгъуи хуэдэу, махуэшхуэм жыджэру хэтащ Зеленчукскэ станицэм и къэзакъ зэгухьэныгъэм и къэзакъхэм я атаман Дранников Сергий я пашэу. Махуэшхуэ нэужьым псори псапащIэ шэджэгъуашхэм ирагъэблэгъащ.

Просмотров: 951

Поделиться

VK:39834