Щихънагъ Феофилакт литургиер Дивеевэ щригъэкIуэкIащ

20I7 гъэм щэкIуэгъуэм и 22-м Псыхуабэ, Черкесск щIыналъэхэм я щихънагъ Феофилакт, Нижегородскрэ Арзамасскрэ я митрополит Георгий и арэзыныгъэкIэ, Свято-Троицкэ Серафимо-Дивеевскэ цIыхубз къулъшырыфым и Троицкэ члисэ зэхуэхьэсам и тхьэлъэIу литургиер иригъэкIуэкIащ. Мы махуэхэм Пастыр нэхъыщхьэр къулъшырыфым Тхьэ щолъэIу. Щихънагъыр щихъ Саровский Серафим и къарум деж Тхьэ щелъэIуащ, къулъшырыфым и нэгъуэщI лъапIэныгъэхэри хыхьэу, щIыналъэ лъапIэм Тхьэ елъэIуну кIуахэм я гъусэу зэгъусэ тхьэлъэIум хэтащ.
Тхьэм и нэфI зыщыхуа Кавказым исхэм узыншагъэ яIэн папщIэ Тхьэ елъэIуа нэужь, щихънагъым цIыхухэм захуигъэзащ: «Си гуфIэгъуэ! Христос лIахэм къахэтэджыкIыжащ!» Апхуэдэ псалъэхэмкIэ Саровский Серафим и хьэщIэхэр ирегъэблагъэ! Щэхухэм и ужь ущихьэкIэ икIи нэхъыжьыфIым и къарум щыщ Iыхьэхэм деж Тхьэ ущелъэIукIэ, пащтыхь шэнтиуэ махуэшхуэм и гуфIэгъуэр къыппкъырохьэ! ИкIи Тхьэм и нэфI къызэрыпщыхуар зыхыбощIэ! Дивеевскэ къулъшырыфым сыщыIэу, Тхьэ солъэIури фIэщхъуныгъэр
тхурикъуну, нэгъуэщI цIыхухэм ди лъагъуныгъэмкIэ дадэгуашэу дгъэгуфIэну!».

Просмотров: 2328

Поделиться

VK:39834