Черкесск щекIуэкIа конференцыр траухуащ Патриаршествэр зэрызэфIагъэувэжрэ илъэсищэ зэрырикъум

2017 гъэм щэкIуэгъуэм и 19-м Черкесск и Никольскэ члисэ зэхуэхьэсам и тхьэмахуэ школым тхыдэ конференцэ щекIуэкIащ, Патриаршествэр зэрызэрагъэпэщыжрэ илъэси 100 зэрырикъум теухуауэ. XX лIэщIыгъуэм и япэ Iыхьэм и лъэхъэнэ гугъум теухуа доклад ищIащ тхыдэ щIэныгъэхэм я доктор, профессор Невская Татьянэ, КъэШР-м Алиев Умар и цIэр зезыхьэ и педколледжым и унафэщI, педагогикэ щIэныгъэхэм я кандидат Михайлов Игорь, Псыхуабэ, Черкесск епархием и пресс-секретарь щоджэн нэхъыжь Самохин Михаил, Псыхуабэ, Черкесск епархием щихъхэр канон щIынымкIэ и секретарь щоджэн Гурин Александр.
Зэхыхьэм хэтащ Ищхъэрэ Къэрэшей-Шэрджэс благочинием и члисэхэм екIуалIэхэр, Черкесск ухуэныгъэмрэ электроэнергиемкIэ и институтым щеджэхэр, къалэм щыIэ Нэфхэм я зэгухьэныгъэм щыщхэр, щоджэнхэр. Къызэхуэсахэр тхьэлъэIу нэужьым еплъащ «Избранники» циклым щыщ документальнэ фильм, патриарх Тихон теухуам. Ди къэралым коллективизацэ зэманым щыIа гугъуехьхэм, репрессиехэм, мэжэщIэлIагъэм, къэзакъхэм, мэкъумэшыщIэхэм ятеухуа доклад ищIащ Невская Татьянэ. А лъэхъэнэм члисэр зэхэзехуэн зэращIам къытеувыIащ щоджэн Гурин Александр. Абы конференцым хэтхэр хигъэгъуэзащ Тебердэ Ищхъэрэ къуажэм и Спасо-Преображенскэ Сентинскэ цIыхубз къулъшырыфым и архив дэфтэрыщIэхэм. Митрополит Сергий (Страгородский) теухуа доклад ищIащ икIи абы и гуащIэм тепсэлъыхьащ щоджэн нэхъыжь Самохин Михаил. Михайлов Игорь къытеувыIащ "160 дней по германскому времени" и лэжьыгъэм, Хэку зауэшхуэ зэманым нэмыцэхэм
лIыхъужьыгъэ къэзыгъэлъагъуэу пэщIэта Черкесск къалэм щыпсэухэм ятеухуам. Зэхыхьэм хэтхэм щIэщыгъуэ ящыхъуащ Урысейм и тхыдэм, лъахэм теухуахэр икIи конференцыр ирагъэкIуэкIыну зэраубзыхуа пIалъэм щIрагъэгъуащ. Абы щыпащащ члисэ зэхуэхьэсам и шхапIэм.

Просмотров: 1704

Поделиться

VK:39834