Псыхуабэ епархием и социальнэ проектхэр КИФЩI-м щынэхъыфIу къыщалъытащ

2017 гъэм фокIадэм и 29-м Псыхуабэ епархием и лIыкIуэхэр хэтащ Кавказ Ищхъэрэ федеральнэ щIыналъэм и социальнэ практикэ нэхъыфIхэм я щIыналъэ зэхуаку фестивалым. Ар щекIуэкIащ Налшык сабийхэм я узыншагъэр щрагъэфIакIуэ «Лэгъупыкъу» зыгъэпсэхупIэм.
Пленарнэ зэIущIэм къыщыпсэлъащ: КъБР-м и Жылагъуэ палатэм и унафэщI Берд Хьэзрэталий, КъБР-м ЛэжьыгъэмкIэ, цIыхухэм IэнатIэ етынымрэ социальнэу
хъумэнымкIэ и министр Тюбеев Альберт, КъБР-м граждан жылагъуэ институтхэм ядэлэжьэнымрэ лъэпкъ IуэхухэмкIэ и Управленэм и унафэщI КIурашын Андзор,
ныкъуэдыкъуэхэм я мыкоммерцэ, мыправительствэ IуэхущIапIэхэм ядэIэпыкъунымкIэ щыIэ Кавказ Ищхъэрэ ресурс центрым и унафэщI Гуппоев Тимур.
Фестивалым и лэжьыгъэм хэтащ КИФЩI-м и щIыналъэ зэмылIэужьыгъуэхэм щыщхэр: Шэшэным, Къэрэшей-Шэрджэсым, Дагъыстэным, Ингушетием, Ставрополь крайм. Епархием сабийхэмрэ щIалэгъуалэмрэ дIээпыкъунымкIэ щыIэ «ДыгъафIэ къалэ» ОВЗ-мрэ епархием и «Анэхэм папщIэ унэ» кризис IэухущIапIэмрэ къратащ КИФЩI-м и социальнэ практикэ нэхъыфIу фестивалым къызэрыщалъытам щыхьэт техъуэ сертификатхэр. Иджы епархие проектхэр КИФЩI-м и социальнэ практикэ нэхъыфIхэм хагъэхьащ, центрхэм я лэжьыгъэхэм ухагъэгъуазэу.
Фестивалыр концерткIэ зэхуащIыжащ. Абы зи узыншагъэм къимыхь сабийхэмрэ щIалэгъуалэмрэ зыкъыщагъэлъэгъуащ.

Просмотров: 2262

Поделиться

VK:39834