Быйыл декабрь айны 4-де Зеленчюк стансени Петропавлов клисасында Дин къуллукъдан сора республикан чекчи отрядны аскерчилерин алгъышладыла. Эресейни чекчилери быйыл декабрь айны 4-де Энчи Чекчи Къорууну Корпусуну клиса байрамын белгилейди. Бу байрамла, аскерчилени къайсы къайда болгъанына да къарамай ийманларын бирикдиреди. Бу байрам чекчи корууну Энчи корпусунда белгиленнгенди, анга 18-чи номерли ОКПС бла 1894-чю джыл мартны 30-да алыннан чекчи корууну Тамадасыны Приказында джазылгъаны шагъатлыкъ этеди. Анды былай айтылады: « Джюйюсхан Император джюреги сюйгени бла Энчи чекчи къорууну корпусунда хар джыл сайын Клиса байрамны ноябрны 21-де Раббийни Анасыны Клисагъа Кирген байрамыны кюнюнде белгилерге буюргъанды, ол себебден аны разылыгъындан ол кюн чекчи корпусну Уллу смотуру да болгъанды».
Бу къуанч кюн Дин къуллукъну Петропавлов клисада, Къарачай-Черкесияда Къыбла клиса округну приходларыны джуаблы динчиси протоирей Субтельный Евгений, аскер белекле бла байламлылыкъ джюрютген Епархия белюмню тамадасы протоирей Сорокин Константинни болушлугъу бла бардырды. Литургия бошалгъандан сора Верейскени архиепископу Илларион сыйлы мученикни сыйына аталгъан христиан дин школну мекямында протоирей Сорокин Константинни Къарачай-Черкес чкекчи отрядны аскерчилери бла тюбешиую болуб етдю. Анда патриотизм бла миллетчиликни ючсюнден селешдиле. Аскер кючледе патриотизмни сингдириуню юсюнден аскерчилени аллында «Зеленчуксий» деген Эресейни МВД-ны джамагъат советини председатели Батчаланы Мухат доклад этди. Батча улу , джаш телюню арасында патриотизмни сингдириуге уллу юлюш къошханлары ючюн чекчилеге джюрек разылыгъын билдириб, алгъыш да этди.